ရေလည်ကြိုက်တယ်စာသားတွေကိုဖတ်ကြည့်နော်

ပုန်းပြီးလည်း အကန်တော့ခံတော်မူပါ..ပွင့်ပြီးလဲ အကန်တော့ခံတော်မူပါ
………………………….
ဟော့ဒီ တောင်ပြုန်းတစ်ခွင်က ကန္နားစီး နန်းထိန်း လောကမှာ ရွှေတိုက်စာရင်းမ၀င်ပဲ နာမည်ကြီးချေနေတဲ့ ကန္နားစီးကို ပြ ပါဆို  မာမီဆွေ ကိုပဲ လက်ညှိးထိုးရမှာ ။
ဟုတ်တယ် ။
တောင်ပြုန်းရွှေတိုက်တော်ရဲ့ သိုးဆောင်းအမတ်ချုပ်ကြီးဖြစ်တဲ့ မာမီစိန်ကို သာ လူတွေက မသိရင်နေမယ် ။ ကန္နားစီး လှလှဆွေ ဆိုရင်တော့ နတ်ဝါသနာရှင်တွေက လူသိများတယ်။
ဒီလိုလူသိများရတာကလဲ မာမီဆွေ က ခု ခေတ်စားနေတဲ့ ဖေ့ဘွတ်ပေါ်မှာ နတ်လောက၊ ကန္နားစီးလောက ၊ နန်းထိန်းလောက ၊ သူတို့နဲ့ရန်ဘက်ဖြစ်နေတဲ့ နတ်ကို မယုံတဲ့လူတွေ အကြောင်းတွေကို ဟာသလိုလို တကယ်လိုလိုလေးရေးတတ်သကိုး ။
ဒါကလဲ မာမီဆွေရဲ့ အားသားချက်လို့ ပြောရမှာပဲ ။
တစ်ခြားရွှေတိုက်စာရင်းဝင်ပါတယ်ဆိုတဲ့ ကန္နားစီးကြီးတွေက မာမီဆွေ လို ဖေ့ဘွတ်တွေ အင်တာနက်တွေ သုံးမှ မသုံးတတ်ပဲကိုး ။ သုံးရလောက်အောင်လည်း အချိန်က မအားဘူးထင်ပါရဲ့ ။
ဒီတော့ ခေတ်မီမီကမ္ဘာကြည့်မြင်တတ်တဲ့ မာမီဆွေ က နိုင်တီးဂွမ်တီးက ရွှေတိုက်စာရင်းဝင်ကြီးတွေထက် ပရိသတ်ပိုများတယ်လို့ ဆိုရမှာပေါ့ ။
ဒါကြောင့် မာမီဆွေက တစ်ခါတစ်ခါ သူ့ကိုယ်သူ ဂုဏ်ယူစွာနဲ့ ဒီလို ဟစ်ကြွေးတတ်တယ်
“ဟေ့ အိုမယ်မကြောက်လို့ လိုကယ်အပေါက်ဖွင့်ထားတဲ့ ဂလိုဘယ်အခြောက်တော့.. ရှင်တို့ရေ..” တဲ့
မာမီဆွေ ဆိုတာ အရင် သိုးဆောင်းအမတ်ချုပ်ကန္နားစီးကြီး မာမီရွှေ လက်ထက်ကတော့ ဘာမှ မဟုတ်ပါဘူး ။
အဲ့ဒီတုန်းက တောင်ပြုန်းမှာ သြဇာအာဏာကြီးမားတဲ့ လော်ကိုင်ဌာန မှာ တောက်တိုမယ်ရ အခြောက်မလေးပေါ့ ။
လော်ကိုင် ဌာန ဆိုတာက ပွဲတော်ရက်တွေဘာတွေမှာ မိန်းမလျာအပေါင်း သူတော်ကောင်းတို့ရေဆိုပြီး အစီအစဉ်ကြေညာတာတို့  ၊ မင်းနှစ်ပါးရေချိုးဆင်းရင် လူတွေလမ်းရှင်းဖို့ အော်ရတာတို့ ၊ မင်းနှစ်ပါးဘုန်းတော်ဘွဲတွေ ရွတ်ပေးရတာတို့ အဲ့ဒါမျိုးတွေကို လော်စပီကာနဲ့ အော်ပေးရတဲ့ဌာနလေ ။
ပြန်ကြားရေးပုံစံမျိုးပေါ့ ။
လော်ကိုင်ဌာန တာဝန်ခံ မာမီဆန်း နဲ့ အဲ့ဒီတုန်းက အခြောက်ပေါက်စနလေး လှလှဆွေ နဲ့က မတည့်ဘူးရယ် ။
မာမီဆန်းက ပက်ကြားအက်နေတဲ့ ၀ါရင့်အပွင့်မကြီးဆိုတော့ ဒီ လှလှဆွေ ဆိုတာ အပွင့်စစ်စစ်မဟုတ်ပဲ ဟိုလိုလို ဒီလိုလို စမူဆာချွန် ဆိုတာ အစောကြီးကတည်းက ရိပ်မိတယ်ထင်ပါရဲ့ ။
လှလှဆွေကို နေရာမပေးခဲ့ဘူး ။
နောက်တော့ သိုးဆောင်းအမတ်ချုပ်ကြီး မာမီရွှေ နားသွားပြီး မာမီစိန် တက်လာတယ် ။
အဲ့ဒီအခါကျတော့ မာမီဆွေကို နန်းကြီးပေါ် ဆွဲမတင်ခဲ့ပေမယ့် အောက်နန်းမှာ ပ၀ါလေးဘာလေး ဆက်ဖို့ နန်းထိန်းခန့်လိုက်လေရဲ့ ။
နန်းထိန်းဖြစ်ပြီး သိပ်မကြာဘူး မာမီဆွေ တို့ နန်းကို ၀င်ထွက်နေကျ သူငယ်လေးတစ်ကောင်က မာမီဆွေကို ဖေ့ဘွတ်ဆိုတဲ့ အ၀ှာကြီးနဲ့ မိတ်ဆက်ပေးသွားတယ် ။
နဂိုကတည်းက အပြင်မှာနေရာမရခဲ့တဲ့ လှလှဆွေ ဟာ မာမီဆွေ ဆိုတဲ့ နာမည်ကို ယူပြီး ဖေ့ဘွတ်ကနေ နေရာယူဖို့ ကြံစည်တော့တာ့ပဲ ။
ကိုယ်တော်လေးကိုဆက်ထားတဲ့အရက်ကို နန်းကြီးပေါ်ကလူတွေ ခိုးသောက်ကြတဲ့ အကြောင်းတွေ ၊ ရွှေတိုက်စာရင်းဝင်မာမီတွေ သူငယ်လုတဲ့အကြောင်းတွေ ၊ ဆနိုက်ကျော်တဲ့အကြောင်းတွေကို ဖေ့ဘွတ်ပေါ် ဟာသလေးနှောပြီးရေးတယ် ။
ဒါပေမယ့် သိပ်အရေးပါတဲ့ ကိစ္စတွေတော့ မဟုတ်ပါဘူး ။
အဲ့ဒီတော့ နတ်ဝါသနာရှင်ပရိသတ်အချို့က ဟုတ်သလိုလိုရယ်ပေါ့ ။
နောက်ပိုင်းမှ သူက လစ်ရင်လစ်သလို နတ်တွေကို မယုံတဲ့ အုပ်စုကို စော်တော့တာ ။
အချင်းချင်းဆိုလဲ ဆော်တတ်တော့ မာမီဆွေနဲ့ လုပ်ဖော်ကိုင်ဖက် ကန္နာစီးတစ်ချို့က
“အဆွေ ရယ်..အချင်းချင်းတွေ ပြန်မ၀ုန်းပါနဲ့အေ့” ဆိုပြီး ပြောယူရတယ် ။
အဲ့ဒီလိုပြောတော့မှ မာမီဆွေအတွက် အကွက်ပိုတွေ့သွားပြီး ဖေ့ဘွတ်ပေါ်ထပ်တင်စရာရသွားတာပေါ့ ။
ဘာတဲ့
“လုပ်ဖော်ကိုင်ဖက်တွေက အဲ့ဒီလိုလာပြောတယ်..ဟေ့..မားဆွေတို့ကတော့ မထော်မနန်းတွေအားလုံးကို အင်္ဂလန်ပို့မှာပဲ..ဟဲ့ကမတွေ Move Move” ဆိုပြီး ဘိုလိုပါ မှုတ်လိုက်သေးတာ ။
ဒီတော့ မားဆွေဟာ ကိုယ့်တပ်လဲ ကိုယ်ပြန်နင်း ။ သူများတပ်လဲ လိုက်နင်းတဲ့ မုန်ယိုတဲ့ဆင်ကြီးဖြစ်နေတယ်လို့ သူတို့ ကန္နားစီးမာမီတွေက သုံးသပ်ကြတယ် ။
တစ်ချို့ကတော့ ဟဲ့ မုန်ယိုတယ်ဆိုတာ ဆင်အထီးမှ ယိုတာ..ဒင်းက ဂျီပုံးကြီးဟဲ့ မုန်ယိုမလားတဲ့ ။
အဲ့ဒီအခါကျ အတွင်းသိ မာမီရှိန်းတစ်ချို့က ဒီလိုပြောကြပြန်ရော..
“ဟဲ့..လှလှဆွေ အကြောင်း ညည်းတို့ ဘယ်လောက်သိလို့လဲ..အခုသူ့ နန်းမှာ အကူခေါ်ထားတဲ့ လည်လည်နဲ့ ၀ယ်ဝယ် ဆိုတဲ့ ငံပြာရည်မလေးတွေက သူ့တူမတွေမဟုတ်ဘူး..သူ့သမီးတွေဟဲ့..ဒင်းက အသုံးချောင်လို့ အပုန်းယောင်ဆောင်ထားတာ ..ဈေးချောင်လို့ ဂေးယောင်ဆောင်ထားတာအေ့” တဲ့ ။
ဟုတ်တောလဲ ဟုတ်တယ် ။
မာမီဆွေက လည်လည်ဝယ်ဝယ်ရှိတယ် ။
လည်လည် နဲ့ ၀ယ်ဝယ် ဆိုတာ သူ့ တူမ နှစ်ယောက်လို့ပြောပေမယ် သူယောင်္ကျားဘ၀က ရခဲ့တဲ့ သမီးတွေလို့ လူတွေက ပြောကြတာပေါ့ ။
အဲ့ဒီလို ကျန်တဲ့ အုပ်စုတွေက မာမီဆွေအတင်းကို ပြောရင် မာမီဆွေတပည့် ဗြိထားခင်က လုံးဝ မခံဘူး ။
အတင်းပြောတဲ့အုပ်စုထဲ အတင်းဝင်ဝုန်း ၊ ပါးရိုက် နားရိုက်နဲ့ လက်သံပြောင်တော့တာပဲ ။
ဒီတော့ မာမီဆွေ က ဗြိထားခင်ကို အားကိုးတယ် ။
သူ့ရဲ့ ဖေ့ဘွတ်ဂေးချုပ် ရာထူးကိုဆက်ခံဖို့ အလားအလာအကောင်းဆုံး လို့ သတ်မှတ်ထားတယ် ။
ဗြိထားခင် ကလဲ မာမီဆွေအတွက်ဆို သူငယ်ပင်သေသေ  ဆိုတဲ့ လူမျိုး ။
လည်လည်ဝယ်ဝယ် ဆိုတဲ့ သမီးတူမ နှစ်ယောက်ကလဲ ရှိ ။ ဘေးနားက ရေပူရေအေးကမ်းလှမ်းတဲ့ တပည့်ကျော်အခြောက်မ ဗြိထားခင် ကလဲ ရှိ ။ ဖေ့ဘွတ်မှာ လည်း လူသိများဆိုတော့ ဘာပဲပြောပြော မာမီဆွေတစ်ယောက် သူ့ အခြောက်အင်အား သူထူထောင်ပြီး တောင်ပြုန်းနန်းကြီးပေါ်က အမတ်ချုပ်သိုးဆောင်းကြီး ရာထူးကို မှန်းမိတာတော့အမှန်ပဲ ။
အဲ အခု နန်းကြီးပေါ်တက်ထိုင်နေတဲ့ ရွှေတိုက်စာရင်းဝင်လူအိုကြီးတွေထက်စာရင် သူက ပရိသတ်များတယ် မဟုတ်လား ။
သူသတိထားရမှာက..အရင်သူ့ဆရာ မာမီဆန်းရဲ့ လော်ကိုင်ဌာနရာထူးကို ဆက်ခံထားတဲ့ ရဲရဲ ဆိုတဲ့ တစ်ယောက်ပဲ ။
ဒင်းကလဲ သူ့လိုပဲ  မှိုခြောက် ပန်းခြောက် ဘ၀ ကနေ အချေအခြောက်ဖြစ်လာတာဆိုတော့ လျော့ထွက်လို့မရဘူး ။
ဘာပဲဖြစ်ဖြစ် မာမီဆွေကတော့ ဖေ့ဘွတ်ပေါ်က သူ့အင်အားစုကြီးကို သူ့ရဲ့ ပေါက်တတ်ကရ စတေးတပ်စ်တွေနဲ့ ထူထောင်နေလေပြီ ။
မားဆွေ ရဲ့ ပေါက်ပန်းဆေးစတေးတပ်စ်များ ဆိုတဲ့ စာအုပ်လည်း ထွက်ပြီးပြီ ။
မားဆွေ..အောင်မြင်နေချေပြီ ။
မားဆွေ ၏ အောင်မြင်မှုကာလများထဲမှာ တစ်ခုသော နေ့ရက်လေးမှာတော့….
“သေချင်းဆိုး..တောခြောက်တောင်ခြောက်မ…မှိုခြောက်..ပန်းခြောက်မ….ပြောင်းဖူးမီးဖုတ်မ…ဗြိထားခင်…ငါ့နောက်ကနေ ခါးရမ်းသီးနဲ့ ထိုးတာပေါ့လေ.ဟင်..ဟိုဟာမ လည်လည်နဲ့ ၀ယ်ဝယ်..အောင်မလေး..ကောင်းကြသေးရဲ့လား..သူများမျက်ခုံးမွှေးပေါ် စင်္ကြန်လျှောက်လာတဲ့ လှလှဆွေကို ဒင်းတို့က ဂန်းနန်းစတိုင်ကပြသွားတာပေါ့လေ..အောင်မလေး..လုပ်ကြပါအုံး အရပ်ကတို့ရဲ့”
မာမီဆွေတစ်ယောက် ဆံပင်နီကြီးဘုတ်သိုက် နဲ့ သူ့နတ်နန်းထဲက ထွက်လာပြီး အော်ငိုနေတယ် ။
ညာဘက်လက်က သူ့ရင်ဘတ်ကြီးကို တဘုန်းဘုန်းထု..ညာဘက်လက်က စာရွက်တစ်ရွက်ကို ကိုင်ပြီး မြေကြီးမှာ လူးလှိမ့်ငိုယိုနေလေရဲ့ ..။
တပ်တော်ခြေဗိုလ်ပါထုနဲ့ စပ်စုလာတဲ့ အခြောက်တစ်အုပ်လဲ မြေကြီးထဲ လူးလိမ့်နေတဲ့ မားဆွေ ကို နားမလည်စွာကြည့်နေတုန်းမှာ မားဆွေလက်ထဲက စာရွက်လေးက လွတ်ထွက်လာတယ် ။
အခြောက်အုပ်စုလဲ မားဆွေလက်ထဲက စာရွက်လေးကို ဖတ်ကြည့်လိုက်တဲ့အခါမှာတော့…
…………..
သို့
  ဖီဖီဆွေ
တားဗြိ အနေနဲ့ ဖီဖီ ဆွေ လို့ ပဲ ခေါ်ပါရစေ..။ ဖီဖီဆွေရဲ့ တူမတစ်ဖြစ်လဲ သမီးနှစ်ယောက်ထဲက တစ်ယောက်နဲ့ တားဗြိ မေတ္တာမျှခဲ့ပါတယ် ။
လည်လည်နဲ့ ၀ယ်ဝယ်ထဲက ဘယ်သူနဲ့လဲဆိုတာတော့ ဒီအချိန်မှာ ပြောပြလဲ အပိုပဲမို့ တားဗြိ မပြောပြပါရစေနဲ့ ။
တားဗြိ နဲ့ ဖီဖီဆွေသမီးတစ်ယောက်နဲ့ နှစ်ကိုယ်တူမေတ္တာဗိမာန်ထူထောင်မယ်ဆ်ိုတော့ ကျန်ခဲ့တဲ့ ဖီဖီဆွေ သမီးတစ်ယောက်က သူ့မမနဲ့ မခွဲနိုင်ဘူးတဲ့လေ ။
လည်လည်နဲ့ ၀ယ်ဝယ်ဟာ သိပ်ချစ်ကြတဲ့ ညီအစ်မတွေပဲ ဖီဖီဆွေ ။
ဒါနဲ့ သားဗြိ လေ သူတို့ညီအစ်မတွေရဲ့ ချစ်ခြင်းကို မခွဲချင်တာနဲ့ပဲ နှစ်ယောက်လုံးကို ခိုးသွားပါတယ် ဖီဖီဆွေ

ပုံ ဗြိထားခင် တစ်ဖြစ်လဲ တားတားဗြိ
PS - ဖီဖီဆွေ ထင်ထားသလို တားဗြိက ဂေးမဟုတ်ပါဘူး..ဖီဖီဆွေ့လိုပဲ ဈေးချောင်လို့ ဂေးယောင်ဆောင်ခဲ့တာပါဆိုတာကို မြေးလေးတွေနဲ့ သက်သေပြမှာပါ ဖီဖီဆွေ..။ ဖီဖီဆွေ လည်လည်ဝယ်ဝယ်မရှိတော့လို့ အားငယ်ပါနဲ့ ။သီတင်းကျွတ်ကျရင် ဖီဖီဆွေ ကို တားဗြိတို့ လင် မယားနှစ်ယောက် အဲ ဟုတ်တယ် လင် မယား နှစ်ယောက် လာကန်တော့မှာပါ..။ အဲ့ဒီအခါကျ ဖီဖီဆွေ ပုန်းပြီးလည်း အကန်တော့ခံတော်မူပါ..ပွင့်ပြီးလည်း အကန်တော့ခံတော်မူပါခင်ညာ..။
ဒန့်တန့်တန့်“

ဗြိတိသျှကိုကိုမောင်