ကား​မောင်းလျှင်​ သတိပြုစရာ

📸 1998 လောက်က ၆ ဘီးကုန်ကားနဲ့ ခေါင်းခန်းကနေ လမ်းကြုံလိုက်တာ
ပျဉ်းမနားတောင်ကြားလမ်း အဆင်းမှာ ဒရိုင်ဘာက လှမ်းပြောတယ်
ကောင်လေးရေ သေချာသာကိုင်ထား မင်းအောက်က ဘီးမရှိတော့ဘူးတဲ့။
အဲ့တော့မှ ခေါင်းပြုပြီး ထွက်ကြည့်လိုက်တော့ ဘယ်ဘက်ရှေ့ဘီး မရှိတော့ဘူး။
အဆင်းမှာ ဘယ်ဘက်ရှေ့ဘီး ကျွတ်ထွတ်သွားတာ ဘီးကျွတ်သွား သွားခြင်း ကားက
တည့်တည့်ပဲ ၁၅စက္ကန့်လောက်နေမှ တဖြေးဖြေးစောင်းသွားပြီး ဟတ်ဒရမ်နဲ့ ကားလမ်းပွတ်ပြီး ဆွဲသွားတာ ဓာတ်တိုင်သုံးတိုင်စာလောက်ရှိမှ ကားရပ်သွားတယ် ။ကားမရပ်ခင်ထဲက လမ်းဘေးထမင်းဆိုင်တွေက လူတွေက ရေပုံးတွေကိုင်ပြီး စောင့်နေကြတာ ကားလည်းရပ်ရော ၂ဘက်ညပ်ပြီး ရေဝိုင်းလောင်းကြတယ်။
ဒရမ်နဲ့လမ်းပွတ်ပြီး မီးတောက်နေတာ သူတို့က လှမ်းမြင်တာကိုး။
ကားဘီးကျွတ်သွားတာကို သိပြီးနောက် ဒရိုင်ဘာရဲ့တုန့်ပြန်မှု့ အေးဆေး တည်ငြိမ်တာက အခုထိမျက်လုံးထဲက မထွက်ဘူး။
ကိုယ့်ကိုတောင်စကား လှမ်းပြော သေးတယ်။ ဒီအချိန် ဘရိတ်နင်းလိုက်ရင် ကားမှောက်သွားမှာတဲ့။
နောက်မှာလည်း ကုန်တွေကပါတယ် မှောက်ချင်စရာ။
အရေးအကြောင်းဆို ဒရိုင်ဘာ တစ်ယောက်ရဲ့ အတွေ့အကြုံဟာ အရမ်းအရေးကြီးတယ်။

👣 1997 တုန်းက
 ကားလေးနဲ့ တယောက်ထဲ မောင်းလာတုန်း
သင်္ကန်းကျွန်း ပြည်ထောင်စု တံတားကနေ ငမိုးရိပ်ဘက်ကို အဆင်းမှာ
ကလပ်နင်းလိုက်တုန်း ကား စက်သေသွားတယ်
သော့နဲ့ပြန်မနှိုးတော့ပဲ နံပတ်၃ ဂီယာထည့်ပြီး ပြန်နှိုးကာ ဆက်မောင်းလိုက်တယ်
အဲ့အချိန်မှာ ကားရှေ့ဘောနက်ကနေ မီးခိုးတွေထွက်လာတာနဲ့
လမ်းဘေး အမြန်ထိုးရပ်စက်သတ်ပြီး ဘောနက်အမြန်ဖွင့်
ပလယာကိုင်ပြီး ဆင်းသွားတော့ ဝါယာကြိုးအသေးတွေ မီးလောင်နေပြီ
လက်ထဲက ပလာယာနဲ့ ဘထ္ထရီငုတ်တစ်ခုကို ဆွဲဖြုတ်လိုက်မှ
မီးက သေသွားတယ်။
ကားပေါ်က ဆင်းဆင်းခြင်း ပလယာကိုင်သွားမိတာ မှန်သွားတယ်။ နိမို့ဆို ဆီကိုမီးကူးပြီးမှဆို ကားလည်းကုန် ကိုယ်လည်း အချုပ်ထဲ အိပ်ခဲ့ရမှာ။

👣 ကားမောင်းသက် အနှစ်၂၀ကျော် အတွင်းမှာ
မတော်တဆမှု့ ဖြစ်လုနီးပါး အခြေအနေတွေ အများကြီးကြုံခဲ့ဖူးပါတယ်။
၂ခါပဲတိုက်မိဖူးပါတယ်။ အဲ့၂ခါကလည်း ဘရိတ်မိတိုက် အရှိန်မပါ လို့အသေးအဖွဲပဲ ဖြစ်ခဲ့ပါတယ်။
အရင်တပတ်ကတင် ညဘက်ကီလို ၈၀နှုန်းလောက် မောင်းနေချိန်မှာ တဖက်က မီးရောင်ကြောင့် ကိုယ့်ရှေ့တည့်တည့်က မီးပိတ်ပြီး လမ်းပေါ်တက်ရပ်ထားတဲ့ အထုတ်အပိုးတွေနဲ့ ဆိုင်ကယ်နဲ့လူကို လုံးဝမတွေ့ရပဲ
ဘွားကနဲ တွေ့လိုက်ချိန်မှာ ဘရိတ်မနိင်တဲ့ အခြေအနေကြောင့် ညာဘက်လမ်းဘေး ထိုးဆင်းရမလား ဘယ်ဘက်ကားလာနေတဲ့ဘက် ရှောင်ရမလား
တည့်တည့်ပဲတိုက်ရမလား ရုတ်တရက် စက္ကန့်ပိုင်းအတွင်း ဖြစ်ပေါ်လာတဲ့ အခြေအနေမှာ
ဘယ်ဘက်ကို အနည်းငယ်ပဲဆွဲပြီး လွတ်တယ်ဆိုယုံလေး ကပ်ရှောင်ခဲ့လို့သာ
မတော်တဆ အဖြစ်ကဝေးခဲ့ရတာပါ။

👤 ကျွန်တော်ကားမောင်းရမှာ ကြောက်ပါတယ်။
အချိန်မရွေး ထောင်ထဲရောက်နိင်သလို
အချိန်မရွေး ဒုက္ခိတဖြစ်နိင်ပြီး
အခ်ျန်မရွေး သေဆုံးနိင်ပါတယ်။
ဒါကြောင့်အတွေ့အကြုံ များသော်လည်း
ပေါ့ဆစွာ မမောင်းရဲပါ။
နီးသည်ဖြစ်စေ ဝေးသည်ဖြစ်စေ သတိအပြည့် ထားပြီးမှသာ
မောင်းနှင်ပါတယ်။
ဟိုင်းဝေး ဆိုပါက သတိပိုထားပါတယ်။
အရှိန်များသည့်အတွက် မတော်တဆမှု့ ဖြစ်နိင်ခြေပိုများပြီး  အရှိန်ကြောင့် ကားကိုထိန်းသိမ်းရတာလည်း ပိုခက်ပါတယ်။
ယာဉ်မတော်တဆမှု့ တစ်ခုဖြစ်ဖို့ဟာ
စက္ကန့်ပိုင်းလေးနဲ့တင်လုံလောက်ပါတယ်။

🎀 ကားမောင်းတဲ့အခါမှာ

🎖 သီချင်းကြိုက်သော်လည်း သီချင်း ရေဒီယို လုံးဝမဖွင့်ပါ
(ကား၏အသံပြောင်းသွားမှု့ကို မသိမှာ စိုးလို့ပါ)

🎖 အအေးကြိုက်သော်လည်း Aircon သိပ်မဖွင့်ပါ
(မှန်လုံသွားခြင်းကြောင့် ကားအမြန်နှုန်းကို မသိသာသလို အိပ်ငိုက်တတ်လို့ပါ)

🎖 Aircon ဖွင့်ထားပါက ကားအတွင်း အေးသော်လည်း ကားအပြင်တွင် မတရားပူသောကြောင့်
စိုးရိမ်ပါတယ်

🎖 ခါးပတ်ပတ်ပါတယ်
(ဟိုးအရင်ထဲက ခါးပတ်ပတ်လို့ ငကြောင်လို့ခဏခဏ အပြောခံဖူး ပါတယ်။)

👀 ကားမထွက်ခင် တာယာကောင်းမကောင်း ကြည့်တတ်ပြီး ကားအောက်ငုံကြည့်လေ့ရှိပါတယ်။
(ဆီယိုစိမ့်ပြီး လူမနီးသူမနီး ကားပျက်မှာ စိုးလို့ပါ)

🛑 ကားအောက်ပိုင်းမှ အသံမည်ပါက ဆက်မမောင်းပါ။

🛑 အပိုအလှဆင်မီးများ တပ်ဆင်ခြင်းမကြိုက်ပါ
(နဂိုကမှ ကားတစ်စီးလုံးက အပ်ဝင်ပြီးသားပါ)

🛑 ကားမောင်းရင်း အိပ်ငိုက်တဲ့အခါမှာ ရောက်ရာနေရာမှာ ဘေးကပ်ရပ်ပြီးအိပ်ပါတယ်။
(ဆက်မောင်းပါက ကိုယ်သွားမယ့် နေရာထိ မရောက်မှာ စိုးလို့ပါ)

🚫 မူးယစ်စေတတ်သောအရာများ တစ်ခုမှမသုံးစွဲပါ
(လူကောင်းအတွက်ပင် အန္တရာယ်ကြီးလွန်းနေတာ မူးနေပါက မတွေးရဲပါ)

🕰 အချိန်လုသွားရသောခရီးကို မမောင်းပါ
ဒေါသထွက်နေချိန်မမောင်းပါ
စိတ်ညစ်နေချိန်မမောင်းပါ
နေမကောင်းချိန်မမောင်းပါ

👣 ကမ္ဘာပေါ်မှာ
စစ်ပွဲတွေကြောင့်သေဆုံးသူထက်
ကပ်ရောဂါကြောင့်သေဆုံးသူထက်
ယာဉ်မတော်တဆမှု့ကြောင့် သေဆုံးဒုက္ခရောက်သူပိုများတာကို မမေ့ကြပါနဲ့။

🚥 ဘယ်လောက်သတိထားပါတယ် ပြောပြော
ကားနဲ့ပတ်သက်ပြီး ဒုက္ခရောက်ဖို့က အလွန်လွယ်ကူပါတယ်။

🎀 သူငယ်ချင်းများအနေဖြင့်
ကားမောင်းတဲ့အခါဖြစ်ဖြစ်
ကားစီးတဲ့အခါဖြစ်ဖြစ်
လမ်းကူးတဲ့အခါဖြစ်ဖြစ်
လမ်းဘေးရပ်နေတဲ့အခါဖြစ်ဖြစ်
မပေါ့ဆကြဖို့
အကြံပြုတင်ပြခြင်းသာ
ဖြစ်ပါတယ်
🚘🚘🚘🚘🚘
#ကားချစ်သူ
Credit 》》
 khin Mg Than