#လေချွန် လက်ဖျောက် သေးမတ်တပ်မပေါက်နဲ့
.* ရှင်ဘုရင်တော့ ရှင်ဘုရင်ပါပဲ *
ဒါပေမဲ့ ……
လက္ခဏာပညာကို
အလွန့်အလွန်ကျွမ်းကျင်တဲ့
လူကြီးတစ်ယောက်-
လမ်းလျှောက်သွားတော့ လမ်းမှာ
ခြေရာတစ်ခုကို တွေ့ရတယ်။
ခြေရာက်ို ကြည့်လိုက်တဲ့အခါကျတော့
ခြေထောက်ရဲ့ လက္ခဏာဟာ
မြေမှာထင်တော့…
အဲဒီ လက္ခဏာဆရာက အကဲခတ်တယ်။
"ဟော....
ဒီခြေထောက် လက္ခဏာ ပိုင်ရှင်ဟာ
ရှင်ဘုရင် ဖြစ်ရမယ်။
ရှင်ဘုရင် လက္ခဏာကို
ဟောဒီခြေရာမှာ လာတွေ့တယ်။
မင်း ဖြစ်မယ်"
ဒါပေမဲ့… သူရပ်ပြီးတော့
ခြေရာကိုကြည့်ပြီး စဉ်းစားပြန်တယ်။
"ရှင်ဘုရင်ဖြစ်မယ့်သူက
လမ်းလျှောက်တာ၊
မြေကြီးမှာ ခြေရာထင်တာကို
ထောက်ဆခြင်းဖြင့်… ဒီလူဟာ
ဘယ်လောက်များ ဆင်းရဲသလဲ မသိဘူး။
ဖိနပ်တောင် မစီးနိုင်ရှာဘူး"
ဖိနပ်မပါလို့ ခြေရာထင်တာပေါ့၊
ဟုတ်တယ် မဟုတ်လား။
"မှန်ပါ ဘုရား"
အဲဒီတော့ လက္ခဏာဆရာက -
"ဒါ ဆန်ကျင့်ဘက် နှစ်ခုဖြစ်နေပြီ၊
လက္ခဏာကတော့…
ရှင်ဘုရင်ဖြစ်ထိုက်တဲ့ လက္ခဏာပဲ၊
ဒါပေမဲ့ မြေပြင်မှာ ခြေလျင်သွားတော့
ဖိနပ်တောင် မပါရှာဘူး။
ဒါတော့ စိတ်ဝင်စားစရာကောင်းတယ်။
လိုက်မယ်။"
ဆိုပြီးတော့ …
ခြေရာက်ို နောက်ကလိုက်နင်းပြီးတော့
လျှောက်လိုက်တာ
ဟို… ရှေ့နားက တစ်နေရာ ချုံကွယ်မှာ
ရှင်ဘုရင်ကြီးကို တွေ့ရတယ်။
ချုံကွယ်မှာ ရှင်ဘုရင် ဖြစ်ထိုက်သူကြီး
အလုပ်လုပ်နေတယ်။
ဒါဆိုရင် ရိပ်မိပြီ၊ ဟုတ်လား။
ဟာ… ရှင်ဘုရင်ကြီး၊
ချုံကွယ်မှာ မတ်တပ်ရပ်ပြီးတော့ …
အဲဒါ …
မတ်တပ်ရပ်ဆိုရင် သဘောပေါက်တော့၊
ဟုတ်လား။
အဲဒီတော့… လက္ခဏာဆရာကြီးက
နောက်နားကလေးမှာ ရပ်ပြီးတော့
စောင့်နေတယ်။
ရှင်ဘုရင်ကြီး ကိစ္စမပြီးသေးလို့။
ပြီးတော့မှ… သူက
လက်ကလေးဘာလေး သုတ်ပြီးတော့
ပြန်လှည့်လာတော့မှ -
"ဗျို့… ဆရာကြီး၊ ကျုပ်က ခင်ဗျားကို
မေးခွန်းလေးတစ်ခုလောက်
မေးချင်တယ်၊
သည်းခံပြီးတော့ ဖြေပေးပါ"
"ဘာ မေးမလဲ"
"ခင်ဗျား ဘာလုပ်စားသလဲ"
"ကျွန်တော် ဇာတ်ထဲမှာ
အလုပ်လုပ်စားပါတယ်"
ဟာ… နည်းနည်းရိပ်မိလာပြီ။
"ခင်ဗျား ဇာတ်ထဲမှာ
ဘယ်အခန်းကပါသလဲ၊ ပြောစမ်း"
"ကျုပ် ရှင်ဘုရင်အခန်းက ပါတယ်"
အဲဒီတော့မှ သဘောပေါက်တာနော်။
တကယ့်ရှင်ဘုရင် ဖြစ်မယ့်သူ၊
ရှင်ဘုရင်လက္ခဏာ
အပြည့်အစုံပါတဲ့ လူ၊
ဒါပေမဲ့… လူကြီးလူကောင်းရဲ့
အမူအရာ မဟုတ်ဘူး။
ရှင်ဘုရင်ကြီး ဘာလုပ်နေတာလဲ?
မတ်တပ်ရပ်ပြီးတော့…
အဲဒါ လုပ်နေတာ၊ ဟုတ်လား။
(ကျင်ငယ်စွန့်နေတာနော်)။
ခုဒ္ဒါစာရ ဟုတ်လား။
"သြော် …
ယုတ်ညံ့သေးသိမ်တဲ့ အကျင့်ကို
ဒီလူကျင့်လို့ ရှင်ဘုရင် မဖြစ်တာကိုး"
ဆိုပြီးတော့… လက္ခဏာဆရာက
ဆုံးဖြတ်သွားပါတယ်တဲ့။ ဟုတ်လား။
အဲဒါကြောင့် …
"ထိပ်တန်းတစ်နေရာကို
တက်ကြတော့မယ်ဟေ့" ဆိုရင်
သေးသိမ်တာလေးတွေပါ
အကုန်လုံး ရှောင် ……။
သီတဂူ ဆရာတော်ဘုရားကြီး
(ဓမ္မလက်ဆောင်)
Credit
No comments:
Post a Comment