သရဲဖြစ်သွားတဲ့ကျောင်းသား

သရဲဖြစ်သွားတဲ့ ကျောင်းသား
********************

ကျွန်မကျောင်းသားဘဝက ကိုယ်တိုင်ကြုံခဲ့ဖူးတဲ့အကြောင်းလေးပြောပြချင်ပါတယ်....။ မှတ်မှတ်ရရ( ၇) တန်းတက်တဲ့နှစ်ကပါ...။ ကျွန်တို့အခန်းမှာ ကျောင်းသားကျောင်းသူ ၂၅ ယောက် ဝန်းကျင်လောက်ရှိမယ်...။ အခန်းထဲမှာအသက်အကြီးဆုံးနဲ့ပါးရည်နပ်ရည်ရှိတဲ့ အစ်ကိုကြီးတစ်ယောက်ကိုလဲ မော်နီတာခန့်ထားတယ်...။ အတန်းခေါင်းဆောင်ပေါ့လေ...။ ဒီအဖြစ်လေးက ကျွန်မတို့လပတ်စာမေးပွဲဖြေနေတဲ့အချိန်မှာ ဖြစ်ခဲ့တာပါ...။ မြန်မာစာဖြေပြီးနောက်တစ်ရက် အင်္ဂလိပ်စာဖြေတဲ့နေ့မှာပါ....။

(အခုပြောပြမယ့် သူက ကျွန်မတို့ရဲ့ အနောက်လမ်းမှာနေတဲ့သူပါ... အတန်းတူသူငယ်ချင်းမှန်ပေမယ့် အရမ်းကြီးခင်တဲ့သူငယ်ချင်းတော့မဟုတ်ပါဘူး... သူကစာအရမ်းတော်ပါတယ်... သူတို့ကညီအစ်ကိုနှစ်ယောက်ရှိတယ်... သူကအငယ်ပါ... လိမ္မာတယ်စာတော်တယ်... သူ့မိသားစုရဲ့အချစ်တော်ပေါ့)

စာမေးပွဲဖြေရင်ခုံအရှည်ကြီးရဲ့ဟိုဘက်ထိပ် ဒီဘက်ထိပ်တစ်ယောက်စီထိုင်ရတယ်လေ...။ စာမေးပွဲဖြေတဲ့နေ့က သူနဲ့ကျွန်မက အရှေ့ဆုံးတန်း တစ်တန်းထဲပေမယ့် သူနဲ့ကျွန်မကြားမှာသူငယ်ချင်းကောင်မလေးတစ်ယောက် ရှိပါတယ်...။ တစ်ယောက်ခြားတစ်တန်းထဲဆိုတော့ သူဘာပဲဖြစ်ဖြစ်အတိုင်းသားမြင်နေရတယ်.....။ အဲဒီနေ့ကစာမေးပွဲဖြေနေရင်း သူကခေါင်းနှိပ်လိုက် ဗိုက်နှိပ်လိုက်လုပ်နေလို့ အခန်းစောင့်တဲ့ဆရာမမကြားအောင် "နင်ဘာဖြစ်နေတာလဲ"လို့ မေးလိုက်တယ်...။ သူက
"ဗိုက်အောင့်ပြီးခေါင်းကိုက်နေလို့ဟ... ပြီးတော့အန်ချင်နေတယ်"လို့ဖြေတယ်...။
ကျွန်မလဲစာမေးပွဲဆက်ဖြေနေလိုက်တယ်...။ အစာမကြေလို့ဖြစ်တာပဲထင်လိုက်တာကိုး.....။ ဖြေနေရင်း
သူ့ကို ကျွန်မလှမ်းကြည့်တော့ မသက်သာတဲ့ပုံစံနဲ့ ခုံပေါ်မှောက်အိပ်နေတယ်...။ ဒါနဲ့ကျွန်မလဲ "ဟဲ့ နင်ဆရာမပြောပြီးသွားအန်လိုက်လေ... ဒါမှသက်သာမှာ"
လို့ ပြောလ်ုက်တော့ သူခေါင်းညိတ်ပြပါတယ်...။ ပြီးတော့မအောင့်နိုင်တော့ဘူးထင်တယ်...။ ဝေါ့ဆိုပြီးအန်ချလိုက်တယ်လေ...။ သူလည်း ကမန်းကတန်းထလိုက်ရော တစ်ခါထပ်အန်ပြန်တယ်...။ ပြီးတော့မျက်ဖြူကြီးလန်ပြီးထိုင်ခုံပေါ်ပြုတ်ကျသွားရတယ်...။ အနောက်ကအတန်းတွေကို လိုက်ကြည့်နေတဲ့ဆရာမလည်း အမြန်ပြေးလာပြီး "ဘာဖြစ်တာလဲ ဘာဖြစ်တာလဲ"လို့မေးကြပါလေရော...။ သူ့ဘေးကအတန်းသူက"ဘာဖြစ်လဲမသိဘူးဆရာမမျက်ဖြူလန်သွားတာတော့တွေ့လိုက်တယ်"လို့ ဖြေရော
ဆရာမလည်းပြာပြာသလဲနဲ့"မော်နီတာအမြန်လာအုံး... ဘာဖြစ်တာလဲမသိဘူး... ဆရာမလဲဘာလုပ်ပေးရမှန်းမသိတော့ဘူး" ပြောတယ်...။ မော်နီတာက သူ့ကိုလှုပ်နှိုးတယ်...။ သူကသတိမေ့နေတယ်
...။နိုးလို့မရဘူး...။ ဆရာမက သူ့ကို ကျောင်းအုပ်ဆရာကြီးရုံးခန်းကိုခေါ်သွားခိုင်းလိုက်တယ်...။ သတိမေ့နေတဲ့သူငယ်ချင်းကို မော်နီတာကကုန်းပိုးခေါ်သွားတယ်....။ နောက်လန်ပြီးပြုတ်မကျအောင် နောက်ကထိန်းပေးဖို့ကောင်လေးတစ်ယောက်ပါထည့်ပေးလိုက်တယ်...။ ကျောင်းအုပ်ကြီးရုံးခန်းက နှစ်ထပ်ကျောင်းဆောင်ရဲ့ အပေါ်ထပ်မှာပါ...။ ကျောင်းအုပ်ဆရာကြီးလဲသတိရအောင်လုပ်ပေးပါတယ်...။ ဒါပေမယ့်သတိက လည်မလာဘူး...။ ဒါနဲ့သူ့မိသားစုတွေကိုလူလွှတ်ပြီးခေါ်ခိုင်းလိုက်တယ်......။ ခဏနေ မိသားစုတွေရောက်လာလို့အိမ်ပြန်ခေါ်သွားပါတယ်
...။  နောက်နေ့ကျောင်းရောက်တော့ အဲဒီကောင်လေး မနေ့ညနေက ဆုံးသွားပြီဆိုတာသိလိုက်ရတယ်...။ စိတ်ထဲ အတော်မကောင်းလဲဖြစ်မိတယ်...။ သူကစာတော်တယ်...။အေးဆေးလဲနေတတ်တယ်.....။ အတန်းတူတဲ့သူငယ်ချင်းတစ်ယောက် ရုတ်တရက်ကြီးဆုံးသွားရတာ တစ်ခန်းလုံးကစိတ်မကောင်းဖြစ်ရတယ်.....။ ကိုယ်ကသူ့အဖြစ်ကိုအစအဆုံးမြင်လိုက်ရတော့ ကြောက်လဲကြောက်တယ်.....။ မော်နီတာကလဲ မျက်နှာမကောင်းဘူး...။ တခန်းလုံးကလဲကြောက်နေကြတယ်....။ သူ့ဘာသာသေတာမသိပဲစာမေးပွဲ လာဖြေမှာလား ဆိုပြီး စိုးရိမ်နေကြတယ်....။ ကျွန်မလည်း သူ့နေရာကို မကြည့်ရဲကြည့်ရဲလှမ်းလှမ်းကြည့်နေမိတယ်....။ မကြည့်မိအောင်စိတ်တင်းထားလဲမရဘူး.....။ အခုရေးနေရင်းတောင် သူဖြစ်ခဲ့တာတွေမျက်လုံးထဲမြင်ယောင်နေလို့ဆက်မရေးရဲတော့ဘူး....။

သူနဲ့တစ်ခုံထဲထိုင်တဲ့ကောင်မလေးက "ဆရာမ သမီးဒီနားမှာမထိုင်ရဲလို့" ဆိုပြီး ပြောတယ်...။ အဲဒါနဲ့မော်နီတာက သေသွားတဲ့ကောင်လေးနေရာမှာ ထိုင်ပေးလိုက်ရတယ် ...။ စာမေးပွဲဖြေနေရင်း စိမ်းရွှေရွှေအနံ့လိုလို မသိမသာနံလာတယ်.....။ ကျွန်မဆိုကြောက်လွန်းလို့ စာမေးပွဲတောင်ဘာတွေဖြေလိုက်မိမှန်းမသိအောင်ပါပဲ...။ အဲဒီနေ့က သချာင်္ဖြေရတဲ့နေ့ပါ...။ မှတ်မှတ်ရရဆို အဲဒီလက ကျွန်မသချာင်္ဘာသာအမှတ်နည်းခဲ့ရပါတယ်....။ လူကကြောက်တတ်တာတော့ပြောမနေတော့ပါဘူး...။ အဲဒီအချိန်ကစပြီးကျောင်းအိမ်သာတောင် တစ်ယောက်ထဲမသွားရဲတော့ပါဘူး...။ စာမေးပွဲပြီးတော့အတန်းပိုင်ဆရာမကို အခန်းထဲကကျောင်းသားတွေ ဝိုင်းပြောပြကြတယ်...။ ဒီအခန်းထဲမှာ မနေရဲကြတော့လို့စာမေးပွဲဖြေရင် ပြောင်းပေးပါလို့.....။ အမှန်တော့ဒီအခန်းက ကျွန်မတို့အခန်း မဟုတ်ပါဘူး...။ စာမေးပွဲရက်မို့ဒီအခန်းမှာဖြေရတာပါ...။ ကျောင်းသားတွေကြောက်နေတော့ ဆရာမလည်းကျောင်းအုပ်ကြီးကိုပြောပြတယ်...။ ကျောင်းအုပ်ဆရာကြီးက သဘောအရမ်းကောင်းပါတယ်...။ ကလေးတွေကိုကြောက်နေတာကြည့်ပြီး သနားလို့ တခြားအခန်းမှာပြောင်းဖြေခွင့်ပေးပါတယ်....။ အဲဒီနေ့ကဆရာမပြောပြတာက မော်နီတာဆရာမကိုပြောတယ်...။ သေသွားတဲ့ကောင်လေးသတိလစ်နေတုန်း ကျောပိုးပြီးဆရာကြီးရုံးခန်းခေါ်သွားတုန်းက( သူကလူကောင်သေးပါတယ် ပိန်တော့တအားမပိန်ပါဘူး မော်နီတာကအရပ်ရှည်ရှည်ခန္ဓာကိုယ်ကပြည့်ပါတယ်) မော်နီတာကျောပိုးပြီးလှေကားပေါ်နှစ်ထစ်လောက်တက်ပြီး
တဲ့အချိန်မှာ ကောင်လေးကိုယ်က သိသိသာသာကြီးကို လေးသွားပါတယ်တဲ့.... အပေါ်ရောက်အောင်လှေကားထစ်တွေမနည်းအားတင်းတက်ရတယ်... နောက်ကကောင်လေးတစ်ယောက်က အနောက်ကတွန်းတင်ပေးရသေးတယ်.... စစချင်းကုန်းပိုးတုန်းကမလေးပဲလှေကားပေါ်တက်ပြီးမှချက်ချင်းလေးသွားတာပါ.... အဲဒါမိန်းကလေးတွေကြောက်မှာစိုးလို့ မပြောပဲ ခုမှဆရာမကိုပြောပြတာပါ" ကျွန်မတို့အခန်းပြောင်းဖြေရပါတယ်...။ အဲဒီအခန်းမှာတော့ ၈ တန်းတွေဖြေခိုင်းပါတယ်...။

ကျွန်မတို့ကျောင်းမှာကျောင်းဆောင် ၃ ဆောင်ရှိပါတယ်...။ အားလုံးကနှစ်ထပ်ဆောက်ထားတာချည်းပါ...။ ကျောင်းဝန်းကတော်တော်ကျယ်ပါတယ်....။ နောက်များမှကျောင်းရှေ့ကသရဲအကြောင်းပြောပြပါအုံးမယ်
...။ ကျွန်မတို့ကျောင်းဆောင်က အလယ်ဆောင်ပါ...။ အရင်ထဲကကျောင်းမှာအခြောက်အလှန့်ရှိတယ် လို့နာမည်ကြီးနေတာပါ...။ ညဘက်ဆိုအဲဒီကျောင်းကွေ့နားဘယ်သူမှမသွားရဲပါဘူး...။ ကျောင်းရဲ့ဘယ်ဘက်မှာဘုန်းကြီးကျောင်းရှိပါတယ်...။ ကျောင်းရှေ့မှာသရဲခြောက်တယ်ဆိုတဲ့ ညောင်ပင်ကြီးလဲရှိပါသေးတယ်....။ ကျွန်မသူငယ်ချင်းဖြစ်တာက ကျောင်းရှေ့ကညောင်ပင်ကိုခုတ်လှဲလိုက်လို့ ဖြစ်တာလို့နားလည်တဲ့လူကြီးတွေကပြောကြပါတယ်.....။ တကယ်လည်း ညနေ ၆ နာရီလောက်ဈေးရောင်းပြန်လာတဲ့ဈေးသည် အဒေါ်တယောက်ဝင်ပူးပြီးပြောတာပါ...။ "ငါနေစရာမရှိလို့ ကျောင်းမှာကပ်နေရတာ ငါကျွတ်ချိန်တန်လို့ ကံနိမ့်တဲ့ကျောင်းသားကို လူစားလဲလိုက်တာ"တဲ့...။ ကျွန်မရဲ့သူငယ်ချင်းတစ်ယောက်ပြောပြတာပါ...။ တကယ်ဟုတ်လားမဟုတ်လား အတိအကျတော့မသိပါဘူး
...။

ကောင်လေးသေပြီးတော့ ကျောင်းမှာပိုခြောက်လာသလိုပဲ...။ ညနေကျောင်းလွှတ်ချိန်မှာ လှေကားပေါ်ကကောင်မလေးတစ်ယောက်ကိုတွန်းချလို့တဲ့..။ ရှေ့မှာကျောင်းသားခံနေလို့ ဒဏ်ရာမရပေမယ့် တော်တော်လန့်သွားတယ်တဲ့...။ နောက်တခါ ၆ တန်းကကောင်မလေးတစ်ယောက်ကို လှေကားပေါ်ကဆွဲချတယ်....။ အဲဒီကောင်မလေးပြောတာကတော့ လက်အေးကြီးနဲ့ခြေထောက်ကို လာကိုင်ပြီးဆွဲချတာ အဲဒီကောင်မလေးလည်း ဖျားသွားလို့တပတ်လောက်ခွင့်ယူလိုက်ရတယ်...။ လှေကားကတွန်းချခံရတာလဲနှစ်ယောက် သုံးယောက်ဖြစ်လာတယ်.....။ ဖြစ်တာကလည်း  ညနေကျောင်းလွှတ်ချိန်ပဲ ဖြစ်နေကြပါတယ်...။ ကြာတော့ကျောင်းသားမိဘတွေစိတ်ပူလာကြတာပေါ့...။
ကျောင်းအုပ်ကြီးလဲမဖြစ်တော့ဘူးဆရာဆရာမတွေတိုင်ပင်ကြပြီး ဘုန်းကြီးပင့်ပြီးပရိတ်ရွတ်ဖို့စီစဉ်ကြတယ်...။ ကျောင်းပိတ်ရက်စနေနေ့မှာရွတ်ဖို့ရက်ရွေးလိုက်ပါတယ်...။ သတ္တိရှိတဲ့ကျောင်းသားတွေကပရိတ်တရားနာသွားကြပါတယ်...။ ကျွန်မကြောက်လို့မသွားခဲ့ဘူး...။ တနလာင်္နေ့ကျောင်းပြန်တက်တော့ ကျောင်းရဲ့ဒေါင့်တိုင်းမှာပရိတ်ကြိုးတွေချည်ထားပြီး ဆန်မန်းတွေကြဲထားတာလဲတွေ့ရပါတယ်....။ ပရိတ်ရွတ်ပြီးနောက်ပိုင်းသရဲခြောက်တာငြိမ်သွားတယ် သရဲမခြောက်တော့လို့ကျောင်းသားတွေပျော်နေကြတာပေါ့
...။ သရဲကျွတ်သွားပြီလို့ကျွန်မတို့ထင်ထားတာ လုံးဝမှားမှန်းကျွန်မတို့ နောက်မှသိလိုက်ရတယ်...။

သေသွားတဲ့ကောင်လေးရဲ့ဘကြီးပြောပြတာက သူ့ကိုကျောင်းကပြန်ခေါ်သွားတဲ့နေ့အိမ်ပြန်ရောက်တော့လဲ သတိမရသေးတာနဲ့ဆရာဝန်ခေါ်ပြီးဆေးကုပါသေးတယ်...။ ဆရာဝန်လည်း ဆေးရုံတင်ဖို့ပြောတယ်...။ အဲဒီတုန်းကမဖွံ့ဖြိုးသေးတော့ လူနာတင်တဲ့ထမ်းစင်နဲ့ထမ်းပြီးဆေးခန်း ဆေးရုံသွားပြရပါတယ်.....။ အခုက အရေးပေါ်ဆိုတော့ရန်ကုန်ဆေးရုံကြီးတင်ရမယ်ပေါ့...။ ရန်ကုန်ဆေးရုံကြီးသွားဖို့အတွက် စက်တပ်သမ္ဗာန်စီးပြီးမြစ်ကို ဖြတ်ကူးသွားရမှာပါ.....။ ဒါနဲ့ထမ်းစင်ပေါ်သူ့ကိုတင်သွားတဲ့လမ်းတလျှောက်မှာ လူကသတိမရပဲပါးစပ်က အင်္ဂလိပ်စာတွေရွတ်နေတယ်တဲ့...။ သမ္ဗာန်ပေါ်အသာလေးချပြီးတော့ စက်လည်း မောင်းရော သတိရလာပြီးငါဆေးရုံမသွားဘူး အိမ်ပြန်မယ် ဆိုပြီးအတင်းထပြေးမယ်လုပ်လို့ ဘေးကလူနာလိုက်ပို့တဲ့သူတွေ မနဲဆွဲထားရပါတယ်တဲ့...။ မျော့မျော့လေးသာရှိတဲ့လူမမာက အဲဒီအချိန်မှာသုံးလေးယောက်ဝိုင်းဖိထားရတယ်...။ လှုပ်လို့မရတော့မှငြိမ်သွားတာ...။ ရန်ကုန်ဖက်ကမ်းရောက်လို့ သမ္ဗန်ကဆင်းမယ်လုပ်တော့ ကောင်လေးအသက်မရှိတော့ဘူး...။ သူတို့ကအိပ်နေတာမှတ်လို့ လေဝင်လေထွက် နှလုံးခုံစမ်းကြည့်တော့အသက်မရှိမှန်းသိကြတာ...။ ဆေးရုံမသွားကြတော့ပဲ အလောင်းကိုပြန်သယ်လာတော့တယ်...။ သမ္ဗာန်ကိုရောလမ်းထဲမဝင်ခင်ရောကန်တော့ပွဲပေးပြီးမှ အိမ်ပြန်သယ်လို့ရတာပါ...။ သဂြိုလ်ပြီးရက်လည်ဆွမ်းကြွေးအတွက် သူ့ကိုခေါ်ထားပါတယ် ...။ အဲဒီမှာ ဇာတ်လမ်းစတာပဲ....။ ညလဲရောက်ရောမီးဖိုချောင်ကအိုးသံ ပန်းကန်သံတွေကြားရတယ်...။ သွားကြည့်တော့ဘာမှမရှိဘူး....။ အိမ်ရှေ့ပြန်လာရင်ပြန်ကြားရတယ်...။ ဘကြီးက "မင်းမခြောက်ပါနဲ့ကွာ...ဒီမှာမင်းအမေတွေအဒေါ်တွေတော်တော်လန့်နေရပြီ... အေးဆေးနေပါကွာ"လို့ပြောတော့အသံတွေမကြားရတော့ဘူး...။

မိသားစုတွေလည်း ပင်ပန်းထားတော့ အိပ်တဲ့သူကအိပ်ကြတဲ့အချိန်...။ မိခင်ဖြစ်သူအိပ်ပျော်နေတုန်း အနားမှာလူတယောက်လမ်းလျှောက်နေတဲ့အသံကြားလို့မျက်လုံးဖွင့်ကြည့်တော့ သူ့သားရယ်လေသူ့အမေကိုကျောပေးပြီးရပ်နေတယ်...။ သားလို့ခေါ်လိုက်တော့ဒီဖက်လှည့်လာပြီး သူ့အမေဆီတလှမ်းချင်းလျှောက်လာတယ်...။ ပြီးတော့ "အမေသားဗိုက်ဆာလို့သားကိုအစာကျွေးပါ" တဲ့...။ပြီးတော့မျက်ရည်တွေကျနေရင်း"အမေတို့သားကိုမချစ်ဘူး ဒီအိမ်ကမောင်းထုတ်ဖို့လုပ်နေကြတယ်"လို့ အော်ပြောတယ်
...။
သူ့အမေလည်းလန့်နိုးသွားတယ်...။ အဲဒီချိန်မှာပဲသူ့အဒေါ် အငယ်ဆုံးကငယ်သံပါအောင်အော်လိုက်လို့  အိပ်ပျော်နေတဲ့သူတွေပါလန့်နိုးကုန်ပြီး အိမ်ရှေ့ကဖဲထိုင်ရိုက်နေသူတွေပါပြေးလာပြီးဘာဖြစ်တာလဲမေးတော့ အိပ်ပျော်နေတုန်း သူ့တူကခြေထောက်ကိုလာကိုင်လို့တဲ့...။ အားလုံးလန့်ကုန်တာပေါ့...။ အဲဒါနဲ့ဘယ်သူမှမအိပ်ရဲတော့ပဲ ငုတ်တုတ်မိုးလင်းခဲ့ရပါတယ်တဲ့...။ ရေစက်ချအမျှဝေပြီးတော့ အဲအိမ်မှာခြောက်လှန့်သံမကြားရတော့ဘူး...။ ဒီအကြောင်းတွေသူ့ဘကြီးပြောပြလို့သိရတာပါ...။

တစ်လကျော်လောက်ကြာတော့ ရပ်ကွက်ထဲကအစ်ကိုကြီးတစ်ယောက် ကျောင်းဝန်းတံခါးမပိတ်သေးတာနဲ့ ညနေ ၅ နာရီခွဲလောက်မှာကျောင်းဝန်းထဲကဖြတ်ပြန်လာပါတယ်တဲ့
....။ သူ့ကျောကို အနောက်ကတယောက်ယောက်လှမ်းရိုက်လိုက်လို့ အော်ပြီးပြေးလာတယ် ...။ အိမ်ရောက်တော့ ငိုလိုက်တာဘာမှမေးလို့မရဘူး ....။ ပတ်ဝန်းကျင်ကလူတွေလည်း ရောက်ချလာတယ်...။ လူတွေလဲဝိုင်းမေးတာပေါ့ အဲဒီတော့မှအငိုတိတ်ပြီး "ငါအိမ်ပြန်ချင်တာပြန်လို့မရဘူး... ကျောင်းဝန်းထဲမှာပဲနေနေရတယ်... ကျောင်းပေါ်မှာလဲနေလို့မရတော့ဘူး... ဘယ်မှလဲသွားလို့မရဘူး... ငါ့ကိုအိမ်ပြန်ပို့ပေးပါ" အဲဒီတော့မှလူတွေကအပမှီလာတာသိရတော့တယ်...။ "နင်ဘယ်သူလဲ...ပြောမှလုပ်ပေးလို့ရမယ်..." လို့ပြောလိုက်တော့ "စာမေးပွဲဖြေနေရင်းသေသွားတဲ့ကောင်လေးပါ...တဲ့သူကျောင်းမှာစောင့်နေရတယ်... အိမ်ပြန်ချင်လို့ဒီလူနဲ့လိုက်လာတာ" တဲ...။အေး နင့်မိဘတွေကိုပြောပေးမယ်... နင်ဆက်မနှောက်ယှက်ပါနဲ့တော့ နင့်နေရာနင်ပြန်ပါ"လို့ပြောပြီး ရေမန်းတိုက်လိုက်တော့မှ အစ်ကိုကြီးကပုံမှန်ပြန်ဖြစ်သွားတယ်...။ လူတွေကို ကြည့်ပြီးဘာဖြစ်ကြတာလဲတဲ့ ...။ပြောပြကြတော့ သူဘာမှမသိပါဘူး...။  ကျောင်းထဲမှာ ကျောကို တစ်ယောက်က ရိုက်လိုက်တာတော့မှတ်မိတယ်တဲ့... အဲဒီအစ်ကိုကြီးလဲ ကျောင်းဝန်းထဲဘယ်တော့ဖြတ်မသွားတော့ဘူး.... ကောင်လေးရဲ့မိသားစုကိုလည်း အကြောင်းစုံ သွားပြောပြကြပါတယ် ။ဒါပေမယ့်...အလှူထပ်လုပ်ပေးလား မလုပ်လားကျွန်မလဲမသိရတော့ပါဘူး...။ ဒါကျွန်မသိတဲ့ကြုံခဲ့ရဖူးတဲ့အကြောင်းလေးတစ်ခုပါ...။
( ပြီး )
ဝဿာန်မိုး