ဟိုက္ကူကဗျာဆိုတာဘာလဲ ဟိုက္ကူကဘာလဲ ???? (လင်းညို့တာရာ)

ဟိုက္ကူကဗျာဆိုတာဘာလဲ ဟိုက္ကူကဘာလဲ ???? (လင်းညို့တာရာ)

ကဗျာကိုလေ့လာဘူးသည့် သူတော်တော်များများ ခပ်တိုတိုနဲ့ ရင်ထဲရောက်ကြသည့် ကဗျာအမျိုးအစားတစ်ခု ရှိပါသည်။ အဲ့ကဗျာကတော့ ဟိုက္ကူကဗျာလို့ ခေါ်သည့် ကဗျာတစ်မျိုးပါပဲ။ ဟိုက္ကူဆိုတာ ဘာလဲ။ ဘယ်ကနေဆင်းသက်လာသလဲ။ ဘယ်လိုရေးသားရလဲဆိုတာကို အများကြီး လေ့လာဖြစ်ခဲ့ပါသည်။ ထိုလေ့လာမှုလေးတွေကို အောက်မှာ ခေါင်းစဉ်လေးတွေနဲ့ ဖော်ပြကာ ပြောဆိုပြပါရစေဗျာ။ ဒီလေ့လာမှုများအတွက် ဝဘ်ဆိုဒ်နှင့် စာအုပ်အသီးသီးကနေလည်း လေ့လာဖြစ်သလို မြန်မာပြန်ထားသည့်စာအုပ်များ ၊ ဆောင်းပါးများမှလည်း မှီငြမ်းပြုလုပ်ရပါသည်။ အောက်ဆုံးတွင် မှီငြမ်းများကို ဖော်ပြပေးထားပါသည်။ မှီငြမ်းပြုဖို့ကျန်ခဲ့သည့်အရာများ ရှိပါက ခွင့်လွှတ်ပေးစေချင်ပါသည်။

[ က ] ဟိုက္ကူ၏သမိုင်းကြောင်းအစဉ်အလာ

ဂျပန်ကဗျာမှာက အဓိကအားဖြင့် ကဗျာပုံသဏ္ဍာန်လမ်းကြောင်း သုံးမျိုးသုံးစားရှိတာတွေ့ရပါသည်။ ရှေးအကျဆုံးက ‘တန်းခ’(Tanka) ဒါမှမဟုတ်‘၀ခ’(Waka)လို့ခေါ်တဲ့ ကဗျာပါ။ စာကြောင်းရေ ငါးကြောင်း(၅-၇-၅-၇-၇) စာလုံးရေ(၃၁)လုံးနဲ့ ဖွဲ့ရတဲ့ကဗျာမျိုးပဲ ဖြစ်ပါသည်။ ဒီကဗျာစပ်နည်းကို ၈-ရာစုဦးပိုင်းမှာ စတင်အသုံးပြုခဲ့ပါသည်။ ၁၇-ရာစုအထိ အင်အားကောင်းခဲ့ပြီး အခု လက်ရှိ ကာလအထိလည်း စပ်ဆိုနေကြဆဲပါ။ ၁၇-ရာစု၊ ‘တိုကူဂါဝါ’ခေတ်မှာ ဟိုက္ကူကဗျာစပ်နည်း ထွန်းကားလာပါသည်။ ပထမ ‘ရမ်းဂ’(renga)လို့ ခေါ်တဲ့‘တန်းခ’ ထက် ပိုပြီးတိုတဲ့ ကဗျာစပ်နည်းပေါ်လာပါသည်။ ဒီကဗျာက စာကြောင်းရေ(၂)ကြောင်း ဒါမှမဟုတ်(၃)ကြောင်းပဲရေးရပါသည်။ ဒါပေမယ့် သူက တပုဒ်တည်းနဲ့မပြီးဘူး။ အဲဒီ(၂)ကြောင်းတပုဒ် ဒါမှမဟုတ်(၃)ကြောင်းတပုဒ်ကဗျာတွေကို ပုဒ်ရေကြိုက်သလောက် ဆက်ပြီးရေးလို့ရသော ကဗျာပါ။ အခံအအုပ် သဘောပြောရင်လည်း ရသောနည်းပါ။ အများအားဖြင့် တယောက်က ရှေ့ကတပုဒ်စပ်ရင်၊ နောက်တယောက်က နောက် တပုဒ်ဆက်ပြီး၊ ဖြည့်ပြီးစပ်။ နောက်တယောက် ဒါမှမဟုတ် ပထမတပုဒ်စပ်ခဲ့သူက တခါထပ်ပြီး ဆက်ပြီးစပ်။ ဒီလိုနဲ့ တပုဒ်ပြီးတပုဒ် ဆက်ပြီးစပ်ရင်းက အရှည်ကြီးစပ်လို့ရတဲ့နည်းဖြစ်ပါသည်။ အညာကျေးလက်တချို့က အတိုင်အဖောက်နဲ့အချီအချ လက်တန်းစပ်ဆိုကြသော ကဗျာမျိုးဖြစ်ပါသည်။ ဒီ ‘ရမ်းဂ’ကဗျာကိုအခြေခံပြီးမှ (၃)ကြောင်း(၅-၇-၅)စာလုံးရေ (၁၇)လုံးနဲ့ဖွဲ့ရသော ဟိုက္ကူကဗျာရေးနည်း ဆင့်ပွားပေါ်ပေါက်လာတယ် လို့ဆိုပါသည်။ နောက်တနည်းကတော့ လွတ်လပ်ကာရန်စနစ်နဲ့ဖွဲ့သော ခေတ်ပေါ်ကဗျာနည်းပါ။ ဒါက ၁၉-ရာစုအလယ်‘မေဂျီခေတ်’မှာ ဥရောပနဲ့ ဆက်စပ်ယှက်နွယ်ပြီးမှ ရလာသော နည်းလေးဖြစ်ာခသည်။ အဲ့ဒါကြောင့် ‘တန်းခ’။ ‘ဟိုက္ကူ’နဲ့‘ခေတ်ပေါ်ကဗျာ’ဆိုပြီး ဂျပန်ကဗျာပုံသဏ္ဍာန် လမ်းကြောင်း(၃)ခုဆိုပြီး ရှိနေပါသည်။ ဒါကို အခုထက်ထိ ဂျပန်ကဗျာ ဆရာတွေ လက်မလွှတ်ကြသေးပါဘူး။ ဒီနည်း(၃)ခုစလုံးနဲ့ဖွဲ့ကြ၊ စပ်ကြသော ကဗျာစပ်နည်းဟာ ဂျပန်ကဗျာ ရေးစီးကြောင်းရဲ့ အဓိကပုံသဏ္ဍာန်ပဲလို့ ဆိုရရမှာပဲ ဖြစ်ပါသည်။ ဟိုက္ကူ (俳句) သည် ဂျပန်ရိုးရာကဗျာလောကတွင် အတိုဆုံးသောကဗျာအမျိုးအစားတစ်မျိုးဖြစ်ပါသည်။ ဟိုက္ကူကဗျာကို အရည်အသွေးသုံးရပ်ဖြင့် ခွဲခြားသတ်မှတ်နိုင်ပါသည်။

၁။ ဟိုက္ကူ ၏အနှစ်သာရကတော့ ကီရု လို့ ခေါ်သည့် ဖြတ်တောက်ခြင်းသဘောပါ။ ဒါက ပုံနှစ်ပုံ သို့ အတွေးနှစ်ခုကို ကြားကနေဖြတ်တောက်ပေးခြင်းနဲ့ ပုံစံတူညီပါတယ်။ ကီရီဂျီ ဟု ဆိုသည့် စကားလုံးတွေကြားထဲမှာ (-) လေး ခံ၍ ဖြတ်တောက်ခြင်းဖြင့် စကားလုံးတစ်ခုကို နှစ်လုံးဖြစ်အောင် နှစ်မျိုးပွားအောင် ပြုလုပ်ခြင်း သဘောဖြစ်ပါသည်။

၂။   ရိုးရာဟိုက္ကူကဗျာမှာ စကားလုံး ၁၇ လုံး ပါဝင်ပါသည်။၅-၇-၅ oဏ္ဏ ၁၇ လုံး ကို ဆိုလိုတာပါ။  ပထမစာကြောင်းတွင်- ၀ဏ္ဏ ၅ လုံး၊ ဒုတိယစာကြောင်းတွင်   –   ၇ လုံး၊ တတိယစာကြောင်းတွင်  –  ၅ လုံး၊ စုစုပေါင်း  –၀ဏ္ဏ  ၁၇ လုံး ရှိပါသည်။ ဟိုက္ကူကဗျာ၏ ပုံစံမှာ စာသုံးကြောင်း ရှိပါသည်။ ပထမ စာကြောင်းတွင် ဝဏ္ဏ ၅ လုံး၊ ဒုတိယစာကြောင်းတွင် ၇ လုံး၊ တတိယစာကြောင်းတွင် ၅ လုံး၊ စုစုပေါင်း ၁၇ လုံး ရှိပါသည်။ တစ်ခါတစ်ရံကား ခြွင်းချက်ရှိတတ်ပါသည်။ ဟိုက္ကူကဗျာပုံစံတစ်ခုမှာ ၃-၅-၃ ဝဏ္ဏ ၁၁ လုံးဖြင့် ရေးဖွဲ့ထားသည်လည်း ရှိပါသေးသည်။

၃။ ဆာအိဂျီကီ အမျိုးအစားတစ်ခုမှာ ကောက်ချက်ချကာ စီစဉ်ထားသော ကီဂို အမျိုးအစားတစ်မျိုးဖြစ်ပါသည်။ ကီဂို ဆိုသည်မှာ ရာသီဥတုဆိုင်ရာ ပြဌာန်းချက်ကို ဆိုလိုတာပါ။ အကြောင်းအရာအားဖြင့်ဆိုလျှင် ဟိုက္ကူစာဆိုတို့သည် ရာသီဥတုကို ထီးခရိုင်အဖြစ်ထား၍ ရာသီဥတုအခြေအနေကို ထီးလက်ထီးအုံအဖြစ် ဆောက်ပြီးလျှင် ခံစားမှုကို ထီးရွက်၊ ပန်းပွား၊ အဆင်တန်ဆာများအဖြစ် မွမ်းမံ ဆင်ယင်ကြပါသည်။ ဟိုက္ကူရေးရာတွင် ကာရန်မမိလျှင် အကောင်းဆုံးဖြစ်သည်ဟု ဆိုသည်။ အချို့ကဗျာဆရာများကမူ ဝဏ္ဏ(၁၇)လုံးကို အတိုးအလျှော့ပြု၍ ရေးတတ်ကြသည်။ ဥပမာ - အလင်္ကာများ (similes)၊ သင်္ကေတပြုတင်စားခြင်းများ (metaphors) ကို ရှောင်ကြဉ်ရသည်။ ရာသီပြစကားလုံး ထည့်ရေးလေ့ရှိကြသည်။ ရာသီပြစကားလုံးကီဂို သည် ဟိုက္ကူထဲတွင် တစ်လုံးပါရသည်။ သို့သော် တစ်ခါတစ်ရံ စကားလုံးအစုလိုက်ဖြင့် ရာသီကို ဖော်ကြောင်းလည်း တွေ့ရသည်။ တစ်ခါတစ်ခါတွင် ဟိုက္ကူတစ်ပုဒ်လုံး ခြုံငုံမိမှ အချိန်ရာသီကာလက ပေါ်လွင်လာတတ်လေသည်။ ထိုရာသီဥတုသည် ဟိုက္ကူ၏ ရာသီဥတုပင် ဖြစ်သည်။ ဥပမာ - ပွင့်သစ်ပန်းများ ဟု ပါလာလျှင် နွေဦးကို ညွှန်းသည်။ နှင်းကျလျှင်ကား ဆောင်းရာသီဟု စိတ်ကူးနိုင်၏။ ခြင်ကောင်များ ဆိုလျှင် နွေအချိန်ကို ဆိုလိုသည်။ ရာသီဥတုအညွှန်းစကားလုံးများသည် အမြဲတစေ သိသာထင်ရှားစွာ ပါဝင်နေသည်တော့ မဟုတ်ပါ။ ရာသီကိုသိလိုလျှင် သင့်အနေနှင့် ကဗျာ၏ အကြောင်းအရာနှင့် ညှိယူဆုံးဖြတ်ရသည်လည်း ရှိတတ်၏။ ဥပမာအားဖြင့် -

တိမ်တွေလာလေပြီ
လကိုကြည့်နေရခြင်းမှ
အနားရလေပြီ။

ဤဟိုက္ကူကဗျာတွင် ရာသီဥတုကို ညွှန်းသောစကားလုံးကား “တိမ်” ဖြစ်၏။ မိုးဥတုကို ညွှန်းသည်။

ဟိုက္ကူကဗျာတွေဟာ “တို၊ ကျဉ်း၊ လိုရင်း၊ သန့်ရှင်း”ဆိုတဲ့ အင်္ဂါရပ်နဲ့ ပြည့်စုံတဲ့ကဗျာတွေပါ။ ကဗျာတွေ တိုသလောက်၊ ကျဉ်းသလောက်၊ ရှင်းသလောက်၊ ဂယက်အနက်တွေကြတော့ တွေးရင်းတွေးရင်း တွေးနိုင်သလောက် အဝေးဆုံးအထိ ရောက်သွားနိုင်တာပါ။ ဒီနေရာမှာဂယက်အနက်၊ သွယ်ဝိုက်အနက်တွေရှိနေတယ်ဆိုပေမယ့်၊ တနည်းအားဖြင့် ၀င်္ကန္တနည်းကို အသုံးပြုတယ်ဆိုပေမယ့် ဂမ္ဘီရဆန်တဲ့အထိတော့မရှိပါဘူး။ ဒါကြောင့်မို့ သန့်ရှင်းတဲ့ဂုဏ်၊ ရိုးဂုဏ်အပြည့်ရှိတယ်လို့ ဆိုကြတာပါသည်။ အခုလို မျက်မှောက်ခေတ် ရာဇ၀င်ရေးကာလမျိုးမှာ ဟိုက္ကူကဗျာတွေဟာ တကယ်ကော လိုအပ်ရဲ့လားဆိုသော မေးခွန်းကို မိတ်ဆွေတချို့က ထောက်ပြတာလဲရှိပါသည်။ ဒါဟာ ‘အမျိုးသား ပြန်လည်သင့်မြတ်ရေး၊ ငြိမ်းချမ်းရေးနဲ့ ဒီမိုကရေစီရေး’ ပဲ။ ဒီခေါင်းစဉ် ဒီပေတံနဲ့ ဒီအကန့် တစ်ကန့်အတွင်းမှာ “လွတ်လပ်မှု၊ ငြိမ်းချမ်းမှု၊ သန့်ရှင်းစင်ကြယ်မှု၊ တည်ကြည်မှုနဲ့ မေတ္တာတရား”ကို အခြေခံ တဲ့ ဟိုက္ကူကဗျာတွေဟာ ကျနော်တို့အတွက် အသုံးမတည့်စရာအကြောင်းမရှိဘူးလို့ပဲ အခိုင်အမာယုံကြည်မိပါသည်။ ဟိုက္ကူ (ခေါ်) ဟိုက်ကူ သည် နှစ်ပေါင်း ၁၀၀၀ ကျော်က ပေါ်ပေါက်ခဲ့သော ဂျပန်ကဗျာ ဖြစ်ပါသည်။ ဟိုက္ကူသည် မရှည်လျားပဲ သိပ်သိပ်သည်းသည်း ကျစ်ကျစ်လျစ်လျစ် ဖွဲ့ ဆိုထားသော ကဗျာတစ်မျိုးဖြစ်သည်။ ကဗျာတွင် ပါဝင်သော စာကြောင်းရေတိုင်းတွင် ဒဿနိကဆန်သော အတွေးအခေါ်များကို ထည့်သွင်း ဖော်ညွှန်းထားသည်။ တနည်းဖြင့်ဆိုရသော် စာတစ်လုံးချင်းသည် အဓိပ္ပာယ် များစွာနှင့်ညီမျှသည်။

ဂျပန်နိုင်ငံမှ အစပြုခဲ့သောဟိုက္ကူသည် အနောက်တိုင်းက ဟိုက္ကူ၊ အမေရိကန်ဟိုက္ကူများ၊ ဓမ္မ ဟိုက္ကုများ၊ ကယ်ရိုးဝက်(ခ်)ရေးတဲ့  (Desolation Pops) အထီးကျန်ဟိုက္ကူများ နဲ့ (Beat Generation Haikus) ဘိခေတ်ဟိုက္ကူများ အစရှိသဖြင့် ဟိုက္ကူပုံစံများစွာပေါ်ပေါက်ခဲ့ပါသည်။ ဟိုက္ကူရေးရာတွင် သင်္ကေတဝါဒ (Symbolism) ကို သုံးလေ့ရှိကြသည်။ သို့ရာတွင် ပုံဖော်ရာ၌ ရိုးရှင်းလွယ်ကူသော ဘာသာစကားဖြင့် အမြဲတစေ ဖော်ပြကြသည်။ မြှုပ်ကွက်ကို အလွန်အမင်း သိသာအောင် မပြုရပေ။ အသေးစိတ်ရှုမြင်တတ်ခြင်းနှင့် သဘာဝအပေါ်နက်ရှိုင်းစွာ ချစ်တတ်ခြင်းများကို ဟိုက္ကူကဗျာကောင်းတို့တွင် တွေ့ရနိုင်သည်။ များစွာသော ဟိုက္ကူတို့သည် လှပသော စကားလုံးပန်းချီရေးချက်များပင် ဖြစ်သည်။ သို့သော် ရှုပ်ထွေးမှု မရှိ။ သိုသိုဝှက်ဝှက်ရေးသားလေလေ၊ ဖတ်သူအဖို့ စိတ်ကူးနယ်ချဲ့စရာ အခန်းလွတ်ကျယ်ကျယ် ကျန်ရစ်လေလေ ဖြစ်သည်။ တစ်ခါတစ်ရံ စိတ်ဝင်စားစရာအကောင်းဆုံး ဟိုက္ကူများသည် ရိုးစင်းလှသော နေ့စဉ်ဘဝထဲမှ ထွက်ပေါ်လာခြင်း ဖြစ်သည်။ ဟိုက္ကူကဗျာများသည် မည့်သည့်အရာကိုမဆို ဖော်ကျူးနိုင်၏။ သို့သော် ရှုပ်ထွေးလေ့မရှိ၊ နားလည်ရခက်လေ့ မရှိပေ။ ဟိုက္ကူကဗျာအားလုံးနီးပါးတွင် အထူးပြုဖော်ပြချက် (a dominant impression) သို့မဟုတ် အဓိက စိတ်ကူး(main idea) ပါဝင်လေ့ရှိသည်။ အဆိုပါ အချက်သည် ဖတ်သူ၏ အာရုံငါးပါးတွင် တစ်ပါးပါးအား ထဲထဲဝင်ဝင် ဆွဲဆောင်နေတော့သည်။ ဟိုက္ကူတစ်ပုဒ်သည် ဖတ်သူအဖို့ အသက်တစ်ရှူစာသာလျှင် ကြာလေ့ရှိပေသည်။ ဟိုက္ကူကဗျာဆရာများအဖို့မူ မျက်စိဖွင့် နားစွင့်ရုံမျှမက နှလုံးသားများကိုပါ ဖွင့်ထားလျက် ဟိုက္ကူကဗျာကောင်းများကို ရေးခဲ့ကြရလေသည်။ ယခုအခါ ဂျပန်ပြည်၌သာမဟုတ်ဘဲ ကမ္ဘာတစ်ဝှမ်းတွင် ဟိုက္ကူကို လက်ခံရေးသားလာကြသည်ကို တွေ့ရသည်။ ကလေးတွေကိုလည်း ငယ်စဉ်ကတည်းက ဟိုက္ကူကို ခံစားနားလည်တတ်ရုံမက စမ်းသပ်ရေးသားတတ်အောင် သင်ပေးလာကြသည်။

[ ခ ] ဟိုက္ကူကဗျာက ခေါင်းစဉ်တပ်ဖို့ လိုအပ်သလား

ဂျပန်ဟိုက္ကူဟာ အနောက်တိုင်းဘက်ကို ပျံနှံ့ လာတာနှင့်အမျှ အနောက်တိုင်းဟိုက္ကူတွေမှာ စည်းမျဉ်းအရချွင်းချက်ဖြစ်ခဲ့ပြီး ခေါင်းစဉ်တပ်ပြီးတော့ ပေါ်ပြူလာ ဖြစ်သွားတာမျိုးရှိပါသည်။ ဟိုက္ကူဟာ ၅-၇-၅ ပုံစံနဲ့  ၀ဏ္ဏ  ၁၇ လုံးရှိတဲ့အတွက် သုံးပုဒ်သာပါတဲ့အတွက် ဒီလောက်တိုတဲ့စာပုဒ်လေးအပေါ်မှာ ခေါင်းစဉ်တပ်ဖို့ လိုမလို အငြင်းပွားဖွယ် ဖြစ်သွားပါသည်။ တကယ်တမ်း ဂျပန်ဟိုက္ကူတွေမှာ ခေါင်းစဉ်မလိုပါ ဟု ဖြေနိုင်သော်လည်း အနောက်တိုင်းဘက်ရောက် သွားတဲ့ မြောက်အမေရိကန်ဟိုက္ကူတွေဖြစ်လာတဲ့အခါမှာ တချို့ ခေါင်းစဉ်တပ်ပြီး အောင်မြင်ကြပါသည်။ ထို့ ကြောင့် ရှေးအရင်က တကယ့်ဟိုက္ကူတွေမှာ ခေါင်းစဉ်မတပ်ပါဟု ဖြေချင်ပါသည်။ အများအားဖြင့်လည်း ဟိုက္ကူတွေကို နံပတ်စဉ်တပ်ပြီး ဖော်ပြတာ တွေ့ ရလေ့ရှိပါသည်။ အဲသည့် ဟိုက္ကူများထဲမှပင် ဂျပန်နိုင်ငံမှာ မြန်မာနိုင်ငံလိုမျိုးသုံးရာသီမဟုတ်သည့်အတွက် ရာသီဥတု လေးမျိုးရှိသည့်အတွက် နွေဦးဖွဲ့ ကဗျာများ နွေဖွဲ့ ကဗျာများ ဆောင်းဦးဖွဲ့ ကဗျာများ စသည့်ဖြင့် ခေါင်းစဉ်တပ်ထားသော ဟိုက္ကူကဗျာများအနေဖြင့် ဖတ်ရပါသည်။ ကျွန်တော်တို့အနေနဲ့ ဂျပန်ဟိုက္ကူပုံစံမျိုး ရာသီဥတုပါသည့် ဟိုက္ကူအကြောင်းအရာမျိုးတွေရှိမယ်ဆိုရင်တော့ ခေါင်းစဉ်တပ်ဖို့တော့ မလိုအပ်ပါဘူး။ မူလ ဟိုက္ကူကဗျာဆရာတွေကတော့ မတပ်ထားပါဘူး။ ကမ္ဘာ့ကဗျာယဉ်ကျေးမှုတစ်ခုမှာ ကဗျာဆိုသည်မှာ ခေါင်းစဉ်မတပ် ကဗျာဆရာနာမည် အောက်မှာ မရေးထိုးရင် ဒါကို ကဗျာဖြစ်တယ်လို့ မသတ်မှတ်ဘူးဆိုပြီး ကျွန်တော်ရဲ့ ဆရာသမားတစ်ဦးက ဆုံးမဘူးပါသည်။ ဟိုက္ကူက ဒီစည်းမျဉ်းနဲ့ ခြွမ်းချက်ဖြစ်ပြီး လွတ်ကင်းပါသည်။

[ ဂ ] ဟိုက္ကူ  နှင့် ဇင်

ဇင်ဗုဒ္ဓဘာသာအတွေးအခေါ်ကို အခြေခံထားသည့် ဟိုက္ကူများသည် စာဆို၏ ဘဝထဲမှ တိုတောင်းသော တဒင်္ဂလေးများကို ဖမ်းယူလိုက်သည့် ကဗျာပုံသဏ္ဌာန်တစ်မျိုးဟု ဆိုရမည်။ ဟိုက္ကူကဗျာတစ်ပုဒ်က တဒင်္ဂလေးများကို အချိန်မီ အေးခဲရပ်တန့်ပေးလိုက်သည်။ ထို့နောက် စိတ်ကူးဖို့ အခန်းလွတ်တစ်ခု ချန်ထားပေးခဲ့ပြန်သည်။ စကားလုံးတစ်လုံးမှ တစ်လုံးသို့ လျှောလျှောရှူရှူ ကူးပြောင်းပျော်ဝင်သွားသည်။ သုံးကြောင်းတည်းဖြင့် ကဗျာဖတ်သူကို ကဗျာဝိညာဉ် ပူးကပ်စေတော့သည်။ ဟိုက္ကူတွင် ဦးတည်ချက်ထားသော သင်္ခန်းစာတစ်ရပ် ပါသည်။ သို့သော် ကတိုက်ကရိုက် ပေးခြင်းမဟုတ်။ ကဗျာဖတ်သူထံသို့ ဟိုက္ကူက ရွေ့သွားပြီး ခံစားချက်ကို လှုပ်နှိုး၍ ပေးအပ်သည်။ ခံစားမှု အထွက်အထိပ်သို့ ရောက်ပြီဆိုလျှင် ဝဏ္ဏ ၁၇ လုံးသည်ပင် များလှသည်ဟုထင်ရလောက်သော အရေအတွက် ဖြစ်သွားသည်။ ဤအထိပင် စကားတစ်လုံးချင်းစီက စွမ်းအင်ကြီးလေသည်။ အတွေးနက်ရသည့် ဟိုက္ကူကို သဘာဝလောက၊ အရောင်အဆင်း၊ ရာသီဥတု၊ တစ်မူထူးချက်များ၊ အံ့အားသင့်မှုများကို ဗဟိုပြုလျက် တန်ဖိုးထား၍ ရေးသည်။ ၁၃ရာစုရောက်လောက်တွင် ဟိုက္ကူကို ၅-၇-၅ ကျောရိုးပုံသဏ္ဌာန်ယူ၍ ရိုးရိုးပင် ရေးကြသည်။ ထိုအစောပိုင်းဟိုက္ကူများသည် ကြမ်းရိုင်း၏။ အတွေးတိမ်၏။ ပြက်လုံးများ ပြဇာတ်စကားလုံးများကို ထည့်ရေးကြသဖြင့် ရယ်စရာကောင်းခဲ့၏။ ထို့နောက်မှ လူသားများအပါအဝင် သဘာဝလောကဝန်းကျင်အပေါ် နက်နက်ရှိုင်းရှိုင်း ခံစားမှုရောက်စေဖို့အထိ တိုးတက် ရေးသားလာခဲ့ကြသည်။ ဤအချက်သည်ပင်လျှင် ဂျပန်တို့၏ ရှိရင်းစွဲစိတ်ကူးဖြစ်သည့် 'လူသားသည် သဘာဝတရား၏ အစိတ်အပိုင်းဖြစ်သည်၊ လူသားနှင့် သဘာဝတရားတို့ လိုက်လျောညီထွေရှိရမည်' ဟူသော အတွေးအခေါ်ကို လိုက်၍ ရေးနေခြင်း ဖြစ်သည်။ ထို့ပြင် ဟိုက္ကူသည် သဘာဝတရားနှင့် ဆက်သွယ်ပေါင်းကူးပေးရုံမက လောကဓမ္မကို ရှင်းလင်းစွာ မြင်နိုင်သိနိုင်ရန် နည်းလမ်းပြသေးသည်။ ဟိုက္ကူဖြင့် ရေစက်ကလေးထဲမှ ကမ္ဘာလောကကြီးကို မြင်တွေ့လိုက မြင်တွေ့နိုင်လေသည်။ ဂျပန်ပြည်တွင် ဟိုက္ကူကဗျာများကို ရိုးစင်းမှု၊ ပွင့်လင်းမှု၊ နက်ရှိုင်းမှုနှင့် အသိဥာဏ်လင်းပွင့်မှုအတွက် တန်ဖိုးထားကြခြင်းဖြစ်သည်။

ဇင်၏အနုပညာတွေမှာ အသားအရောင်ကို အသုံးမပြုဘူး။ ရိုးရှင်းခြင်းကို ပုံမှန်လုပ်နေကျ အပြုအမူတွေဖြစ်တဲ့ အဖြူအမဲရေးဆွဲမှုတွေစတဲ့ အနုပညာတွေမှာသာ ပုံရိပ်ထင်တယ်လို့ ယူဆတာကြောင့် ဖြစ်သည်။ လှပသော လက်ရေးလက်သားကိုလည်း ဇင်ယဉ်ကျေးမှုရဲ့စိတ်ပိုင်းအာရုံတွေနှင့် ဆက်နွယ်ကြည့်လေ့ ရှိကြသည်။ ဇင်က အနုပညာဆိုင်ရာ မလိုအပ်တဲ့ အဓိကအချက်ကို ဖြတ်တောပစ်နိုင်ဖို့ကိုလည်း သင်ကြားပေးသည်။ ကနေ့ခေတ်မှာတောင်မှ အလွန်ထင်ရှားနေတုန်းပါပဲ။ ပြီးတော့ သတင်းစာတွေမှာလည်း အဲဒီကျော်ကြားမှုကို ဖော်ပြနေတုန်းပါပဲ။ ဟိုက္ကူ (Haiku) စကားလုံး(၁၇)လုံးပါဝင်သည့် ကဗျာတွေ ရေးဖွဲခဲ့သည်။။ ဇင်ဗုဒ္ဓဘာသာမှာ ဟိုက္ကူကဗျာတွေက လူသားတွေရဲ့စိတ်ရင်းသဘာဝ စိတ်အခြေအနေမှန်ကို တိုက်ရိုက်ဆက်စပ်နေအောင် ရေးဖွဲ့နိုင်သည်။ ဇင်ဗုဒ္ဓဘာသာမှာ စိတ်အခြေအနေဆိုတာက အင်မတန်အရေးကြီးသော အရာလို့လည်း ဆိုကြသည်။ ချီယို (Chiyo) (၁၉၀၃-၁၉၇၈ )က ဟိုက္ကူကဗျာတစ်ပုဒ်ကို ရွတ်ဆိုခဲ့ဖူးပါသည်။

Ho to to gi su
Ho to to gisu tote
A ke ni ke ri

တစ်ခြားဂိုဏ်းတစ်ခုကတော့ ဂျပန်ပြည်၏ လက်ဘက်ရည်သောက်ပွဲအခမ်းအနားတွေမှာ လွမ်းမိုးသြဇာတိက္ကမ ရှိပါသည်။ နာရာ (Nara) ခေတ်ထဲမှာ မူးရင်း လက်ဘက်ရည်သောက်သည့် အလေ့အထက ဂျပန်နှင့် တရုတ်ပြည်ထဲရှိ ဘုန်းကြီးကျောင်းတွေမှာ ကျင်းပကြလေ့ ရှိသည်။ လက်ဘက်ရည်ကို အသုံးပြုရခြင်းရည်ရွယ်ချက်တွေက အများကြီးရှီတယ်လို့လည်း ဆိုပါသည်။ အဲဒီအထဲက တစ်ခုကတော့ ဆေးဖြစ်ဝါးဖြစ်အနေနှင့် လက်ဘက်ရည်ကို သောက်သုံးကြသည်။ ပီးတော့ တစ်ခြားတစ်ခုကတော့ တရားအားထုတ်မှုလုပ်ငန်းစဉ်မှာ နိုးကြားတက်ကြွမှုကို ထိန်းသိမ်းနိုင်ရန်နှင့် အာရုံစူးစိုက်မှု သမာဓိကို ထိန်းသိမ်းနိုင်ဖို့အတွက် အထောက်အကူဖြစ်ဖို့ရန် ဖြစ်ပါသည်။ ဖီလိုဆိုဖီဒဿနနည်းကျကျ ပြောရရင် လက်ဘက်ရည် အနုပညာကနေတစ်ဆင့် အရာဝတ္ထုလေးမျိုးလေးစားကို ရရှိနိုင်တယ်လို့ ဆိုကြပါသည်။

၁။ ညီညွတ်မှုဖြစ်ခြင်း (Harmony)[wa]
၂။ ကြည်ညိုပသာဒဖြစ်ခြင်း(Reverence)[kai]
၃။ စင်ကြယ်မှုဖြစ်ခြင်း(purity –Sei)
၎။ သမာဓိဖြစ်ခြင်း (Tranquility- Jak)

ဒီအရာဝတ္ထုလေးခုကို ရရှိဖို့ရာ ရည်ရွယ်ချက်တွေ ရှိမယ်ဆိုရင် လက်ဘက်ရည်အခမ်းအနားက စိတ်ရဲ့ အခြေခံသဘောတရားအားလုံးကို ပေးသည်။ ပြီးတော့ သဗ္ဗညုတဥာဏ် စသဖြင့် ဆောတရိ(Sotori)ကိုရရှိဖို့ရန် အလွန်နီးစပ်တယ်လို့လည်း ဆိုကြပါသည်။ ဒါကြောင့် ဇင်ဗုဒ္ဓဘာသာက ဂျပန်ပြည်၌ လဘက်ရည်အခမ်းအနားရဲ့ အနုပညာအပေါ်မှာ ကြီးမားတဲ့ သြဇာတိက္ကမ လွမ်းမိုးမှုတွေ ရရှိနေတာ ဖြစ်ပါသည်။ ကနေ့ခေတ် လဘက်ရည်သောက် အခမ်းအနားမှာတောင်မှ ဂျပန်ပြည်သူတွေအကြား အထူးသဖြင့် ဂျပန်လူငယ်တွေအကြား အလွန်တရာ ကျော်ကြားနေဆဲ ဖြစ်ပါသည်။ ပြီးတော့ စိတ်ပိုင်းဆိုရင်အရလည်း သတိပြုလေ့လာနေဆဲ ဖြစ်တုန်းပါ။

ဂျပန်ပြည်သူများရဲ့တွေးခေါ်မှုစနစ်ကို ဖော်ပြတဲ့နေရာမှာ ကြီးမားတဲ့ယဉ်ကျေးမှုရဲ့ မှီတည်ရာဖြစ်တဲ့ တစ်ခုတည်းသော ဇင်ဗုဒ္ဓဘာသာကျောင်း တစ်ကျောင်းရှိပါသည်။ နံရံဒီဇိုင်းတွေမှာ အဖြူနှင့် အနက် ရေးဆွဲထားပြီး ဟိုက္ကူ (Haiku)၏ ကဗျာ လက်ဘက်ရည်အခမ်းအနားနှင့် ပန်းများကို စီချယ်ထားခြင်းတိုလည်း စီချယ်ထားကြသည်။ ဇင်ဥယျာဉ်က ဇင်ဗုဒ္ဓဘာသာနှင့် ဂျပန်ရဲ့ စီးပွားရေးတို့တက်မှုတို့မှ ဆင်းသက်လာတဲ့ ဇင်ဘာသာရဲ့ အတွေးအခေါ်ရဲ့ အကျိုးရလာဒ်လည်း ဆိုကြပါသည်။ ဇင်၏ ရည်ရွယ်ချက် ပန်းတိုင်ကတော့ စစ်မှန်တဲ့ သဘာဝတရားနှင့် သဗ္ဗညုတဥာဏ်ကို ရှာဖွေရန် ဖြစ်ပါသည်။ ဇင်က ပို၍ လေ့ကျင့်ရပြီး အရေးကြီးဆုံးသော အရာနှင့် ဆက်စပ်နေတဲ့ လင်္ကာဝတရသုတ် (Lankavatara Sutta) ကဲသို့သော နက်နဲသော ပြဌာန်းကျမ်းစာများ ရှိခဲ့သော်လည်း ဒီစာပေကျမ်းဂန်များအပေါ်မှာ မှီခိုမှု သိပ်မရှိခဲ့ပါ။ ဒါကြောင့် အသုံးမ၀င်တဲ့ ဒဿနများနှင့် ချဲ့ထွင်ထားတဲ့ ရိုးရာဓလေ့များကို ပယ်ရှားခဲ့တယ်။ ဇင်ရဲ အနှစ်သာရက စိတ်ကို အမြဲရှုမှတ်နေဖို့နှင့် ဘုရားအဖြစ်ကို ရှာဖွေဖို့ရန် ဖြစ်ပါသည်။ ဇင်ဗုဒ္ဓဘာသာဝင်တွေဟာ မြတ်ဗုဒ္ဓသခင်က လူမှုအဖွဲ့အစည်း အကျိုးကျေးဇူးအတွက် ပုံမှန်နေ့စဉ်ဘ၀တွေမှာ လိုအပ်စွာ ပါဝင်ရမယ်လို့ ယုံကြည်ကြပါသည်။

ဟိုက္ကူဟာ ဇင်/ချန်/ဓျာန/ဈာန/ချန်န/တောက်/ဗောဓိဓမ္မ/စိတ်မဲ့စိတ် ဆိုတဲ့ ဓမ္မအယူအဆနယ်ပယ်မှာ အခြေခံပြီးထွက်ပေါ်လာသော ကဗျာ/အနုပညာလက်ရာအမျိုးအစားတစ်ခုဖြစ်ပေမယ့် ဇင်ဓမ္မ ဇင်ဘုန်းကြီးတွေ၏စာတိုပေစတွေ အဆိုအမိန့်တွေ ကဗျာတွေနဲ့တော့ မတူပါဘူး ။ ဟိုက္ကူဟာ ကမ္ဘာပေါ်က ကဗျာအမျိုးအစားများစွာထဲကမှ ဇင်ဓမ္မကို နောက်ခံပြီး ဖန်တီးဖြစ်ပေါ်လာတဲ့ ကဗျာအမျိုးအစားတခုဖြစ်နေခြင်းမျှပါပဲ ။ ဟိုက္ကူမှာ ဇင်ဓာတ်ခံပါရှိပြီး ဟိုက္ကူဓာတ်ဟာလည်း တခြားသောကဗျာအမျိုးအစား နိုင်ငံတကာက ကဗျာရေးသူတွေ၏ကဗျာတွေထဲမှာလည်း တိုက်ရိုက်ဖြစ်စေ သွယ်ဝိုက်ဖြစ်စေ သက်ရောက်မှုရှိခဲ့ ရှိဆဲဖြစ်ပါသည်။

ဟိုက္ကူကဗျာများကိုရေးစပ်ခဲ့ကြသောပုဂ္ဂိုလ်များကိုတော့ နောက်ပိုစ့်တစ်ခုတွင် မိတ်ဆက်ပေးပါ့မည်။

#လင်းညို့တာရာ

မှီငြမ်း ။    ။
၁. ဟိုက္ကူကဗျာ မြည်းစရာ (မင်းသုဝဏ်)
၂. https://mevision.wordpress.com/
၃. ဇင်ဗုဒ္ဓဘာသာဆောင်းပါးအချို့
၎. https://en.m.wikipedia.org/wiki/Haiku
၅. အခြား အင်တာနက်ဆောင်းပါးများ
Credit

မူးရင်း လက်ဘက်ရည်သောက်သည့် အလေ့အထ

ကဗျာဆရာကြီး ဗသျှိုး

ဗသျှိုး၏ နာမည်ကြီးသော ဟိုက္ကူကဗျာဖြစ်သည့်

" အိုင်အိုကြီးပါလား
အလို ရွှေဖား ခုန်ဆင်းသွား
ပလုံ ရေသံကြား။ "

ဟိုက္ကူကဗျာဆရာ Buson ၏ ဟိုက္ကူကျမ်း