" ဒေါက်..ဒေါက်"
် "ဘယ်သူလဲ "
" ငါပါကွ ဇရာ ပါ "
" ဘာကိစ္စလဲ "
" မင်း အသက် ၅၀ ပြည့်တဲ့အကြောင်း လာပြောတာ "
" သိပါတယ် "
" သိပါတယ် လုပ်မနေနဲ့ ၊ တံခါးဖွင့်ပါဦး "
တံခါးဖွင့်ကြည့်လိုက်တော့ ဇရာ တစ်ယောက်တည်း မဟုတ်ဘူး သူ့နောက်မှာ ပြုံးစိစိနဲ့ လှမ်းကြည့်နေသူ နှစ်ယောက် ဗျာဓိ နဲ့ မရဏ ။
ဇရာ ကနောက်ကိုတစ်ချက်လှည့်ကြည့်ပြီး ပြောနေပြန်တယ် .....
" ငါ တံခါးခေါက်ပြီးရင် ဒီကောင်တွေ ခေါက်တော့မှာနော် "
" သိနေတယ်လေ "
" ဘယ်လိုသိတာလဲ "
" နာခြင်း နဲ့ သေခြင်း မဟုတ်လား "
ဗျာဓိ က ၀င်ပြောပြီ " ငါက ဆေးသောက်ရုံနဲ့ ပျောက်တဲ့ နာခြင်းမျိုးမဟုတ်ဘူးနော် မသေ - သေအောင် နှိပ်စက်မှာ "
သူက ပြောပြီးတာနဲ့ မရဏ ဘက်ကိုလှည့်ကြည့်လိုက်တယ် မရဏ ကပြုံးရင်းခေါင်းညိတ်ပြနေတယ် ပြီးတော့တစ်ချက်လှမ်းအော် ပြောလိုက်တယ် ။
" ငါတံခါးခေါက်ရင် မင်းဒီအိမ်မှာ နေခွင့် မရတော့ဘူးနော် "
သူ့အသံက မာတယ် ခပ်တင်းတင်း ခပ်ပြတ်ပြတ် ဒီတော့လည်း ကိုယ့်ဘက်ကပြတ်သားရမှာပေါ့ ။
" သိပါတယ် "
ဇရာ ၊ ဗျာဓိ ၊ မရဏ အသံတွေမြိုင်သွားမှ အခန်းထဲမှာငြိမ်ကုတ်နေတဲ့ကောင်က ထထွက်လာတယ် အတူနေ အခန်းဖော်ပေါ့ အပြင်က သုံးကောင်က အထဲကတစ်ကောင်ကို သံပြိုင်နှုတ်ဆက်လိုက်ကြတယ် ။
" ဟေ့ကောင် ဇာတိ ၊ ဘော်ဒါကြီး အဆင်ပြေလား "
" သိပ် မပြေဘူး "
" ဘာဖြစ်လို့လဲကွ "
" ဒီကောင် သတိပဋ္ဌာန်တရား အားထုတ်နေတာကွ ငါတို့ အကြောင်းကို ရိပ်မိနေပြီ "
" ကိစ္စမရှိပါဘူးကွာ ၊ ဒီကောင်ဘယ်လောက် သတိကောင်းမှာတဲ့တုံး ၊ ငါသိသိသာသာ နှိပ်စက်ပြရင် ဒီကောင်လန်ထွက်သွားမှာပါ "
ဇာတိ နဲ့ ဗျာဓိ အပြန်အလှန်ပြောနေကြတာ ကိုယ့်အကြောင်းကို ကိုယ့်ရှေ့မှာ ပြောင်ပြောင်တင်းတင်းပြောနေကြတာ ၊ ပြောကြပါစေလေ ၊ကိစ္စမရှိပါဘူး ။
သူတို့လက်ထဲရောက်တော့မှဘယ်တတ်နိုင်မလဲ နှလုံးသွင်းနေကျအဆုံးအမကိုပဲအာရုံပြုနေလိုက်မိတယ် ။
" မြင်တာ ဘာတဲ့လဲ ၊ မြင်သိ ရုပ်နာမ် "
" ကြားတာ ဘာတဲ့လဲ ၊ ကြားသိ ရုပ်နာမ် "
" မြင်သိမမြဲ ၊ မြင်ဆင်းရဲ ၊ မြင်ထဲ ငါမပါ ။
အဲဒါ သဘာဝ အနတ္တာ ကြားသိမမြဲ ၊ ကြားဆင်းရဲ ၊ ကြားထဲ ငါမပါ အဲဒါ သဘာဝ အနတ္တာ "
" ဒီကောင် ငြိမ်သွားပြီ ၊ ကြောက်နေတယ် ထင်တယ်ကွ " မရဏ ရဲ့ အသံခပ်မာမာနဲ့ မှတ်ချက် နည်းနည်းတော့ ပြန်ပြောမှဖြစ်မယ်ထင်တယ် ။
" အသေကြီးကိုကြောက်ကြတာ လူတိုင်းရဲ့ သဘာဝပါ ဒါကိုမငြင်းပါဘူး လက်ခံပါတယ် ဒါပေမဲ့ သတိပဋ္ဌာန် ဝိပဿနာတရားကို သေသေချာချာအားထုတ်ထားရင် စက္ကန့်တိုင်းမှာ အသေလေးတွေနဲ့တွေ့တဲ့ အတွေ့အကြုံတွေ ရနေပြီးသားမို့ပါ "
မရဏ က တစ်ဖက်ကိုလှည့်သွားတယ် ဗျာဓိ ကတော့ သိပ်ကျေနပ်ပုံမရဘူး ခပ်ဆက်ဆက်နဲ့လှမ်းမေးလိုက်တယ် ၊
" မင်း အဲဒီအလုပ်ကိုလုပ်တော့ငါ့လိုမျိုး သေလောက်အောင်နှိပ်စက်တဲ့ နာတာမျိုးကြုံဖူးလို့လား "
" ကြုံဖူးတာပေါ့ ဒါ ဝေဒနာက္ခန္ဓာ ရဲ့ သဘာဝတစ်ခုပဲ တစ်ကိုယ်လုံး အကြောအခြင်တွေပြတ်ထွက်ပြီးသေလုမတတ်ခံခဲ့ရတာ "
" ဟုတ်လား ၊ ဒါဖြင့် မင်း ဘယ်လိုကျော်လွှားခဲ့သလဲ "
" ဘုရားရှင် ရဲ့ တရားတော်ကို အသက်ပေးယုံကြည်ခြင်းဆိုတဲ့ စိတ်နဲ့ပေါ့ ကွာ "
" မင်းပြောတာ ငါနားမလည်ဘူး "
" ဘယ်နားလည်နိုင်ပါ့မလဲ ... မင်းတို့လေးယောက်ဟာ တရားတော်ရဲ့ ဆန့်ကျင်ဘက်တွေပဲ ဒါပေမဲ့လည်း မင်းတို့ကို ကျေးဇူးတင်ပါတယ် မင်းတို့ချိန်းခြောက်အား ကောင်းလို့ တရား ရဲ့ အနှစ်သာရကို သိခွင့်ရခဲ့တာ "
" မင်းစကားတွေက ပဟေဠိဆန် လွန်းတယ် "
" မင်းတို့လေးယောက် အတွင်းအပြင်ခွင်ရိုက်ပြီး ငါ့ကိုနှိပ်စက်ခဲ့တာ သံသရာနဲ့ချီပြီးကြာလှပြီ ။
ဒီဘ၀မှာတော့ ဗုဒ္ဓတရားတော် အကူအညီနဲ့ မင်းတို့အကြောင်းကို ကောင်းကောင်းသိခွင့်ရလိုက်တာ တကယ့်ကို လူဖြစ်ရကျိုးနပ်တာပဲ "
Credit
No comments:
Post a Comment