၁။ အလုပ်လုပ်သောသူများအား အလုပ်မလုပ်သောသူများက အမြင်မကြည်ကြပါ။
၂။ အမှန်ပြောသူများအားမှားနေသူများက
မုန်းကြသည်
၃။ စည်းကမ်းလိုက်နာသူများအား စည်းမဲ့
ကမ်းမဲ့နေသူများက အပြစ်ရှာပြောတတ်သည်။
၎။ အလုပ်မလုပ်လေ စကားများများပြောလေဖြစ်ပြီး အလုပ်လုပ်နေသူများက စကားနည်းတတ်သည်။
၅။ အလုပ်လုပ်သူများသည် အမှားများစွာကြုံရ၍
ဘာမှမလုပ်သူများက အပြစ်ကင်းတတ်ကြသည်။
၆။ စည်းကမ်းတင်းကျပ်သော လူကြီးများသည်
လူမုန်းများ၍ နေချင်သလိုနေ၍ ရလျှင်
လူချစ်လူခင်များတတ်သည်။
၇။ စာရင်းဇယား မှတ်တမ်း ပြည့်စုံပြီး ဘာမှမလုပ်သူများကို လူကြီးသဘောကျ၍ အလုပ်လုပ်နေ
သော်လည်း စာရင်းဇယားမှတ်တမ်းမပြည့်စုံပါက
အဆူခံရတတ်သည်။
၈။ အလုပ်မလုပ်ချင်သူများသည် ဆင်ခြေများစွာ ပေးတတ်ပြီး မငြင်းတတ်သူများသည် အလုပ်အများဆုံး ပေးခြင်းခံရတတ်သည်။
၉။ ခံစားခွင့်ရချင်သူများသည် အပေးအကမ်း
ရက်ရောတတ်ပြီး ခံယူချက်မှန်သူများသည်
အပေးအကမ်းနည်းတတ်သည်။
၁၀။ မြင်မြင်သမျှ ပြောဆိုဆုံးမတတ်သူများကို
ဝန်ထမ်းများရှောင်တတ်ပြီး မသိချင်ယောင်ဆောင်ပြီး အမုန်းမခံသူများသည် ဝန်ထမ်းများ
ဝိုင်းဝိုင်းလည်နေတတ်သည်။
၁၁။ မိမိအကျိုးမျှော်သူများသည် တပည့်မွေးတတ်ပြီး တပည့်များအကျိုး ကြည့်တတ်သူများသည် ကျောသားရင်သားမခွဲခြား ပြောဆိုတတ်သည်။
၁၂။ မဟုတ်တာလုပ်သူများသည် လူကြီးများကို
ကြောက်နေတတ်ပြီး အမှန်အလုပ်လုပ်နေသူများက လူကြီးများကို တင်ပြဆွေးနွေးတတ်ကြသည်။
၁၃။ တပည့်များကို ဆုံးမလေ့ရှိသူများသည် ကိုယ်တိုင်လည်း စည်းကမ်းလိုက်နာတတ်ကြပြီး စည်းကမ်းမလိုက်နာသူများက တပည့်များအား သိပ်မဆုံးမတတ်ပေ။
၁၄။ အကျင့်ပျက်နေသူများသည် လူကြီးပြောသမျှ
ငြိမ်ခံနေတတ်ပြီး အလုပ်ကြိုးစားနေသူများက
လူကြီးနှင့် အခြေအတင် ဖြစ်တတ်သည်။
Credit- ဘဝကိုမြင့်မာစေမည့် အတွေးအခေါ်များ
No comments:
Post a Comment