လက်ခံနိုင်စွမ်း

လက်ခံနိုင်စွမ်း
______________

ဗိုလ်ချုပ်က ဗြိတိန်ဝန်ကြီးချုပ် အက်တလီကိုပြောတယ်။
"အကောင်းဆုံးကို မျှော်လင့်ထားတယ်။
အဆိုးဆုံးကိုလည်း ရင်ဆိုင်ဖို့အသင့်ပဲ။”တဲ့

ဘယ်ရလဒ်ပဲရလာရလာ လက်ခံနိုင်စွမ်းရှိတယ်ဆိုတဲ့သဘောပေါ့။လက်ခံနိုင်စွမ်းဆိုတာ သီးခံခြင်းမဟုတ်သလို ငြိမ်ခံခြင်းလည်းမဟုတ်ဘူး။လောကဓံကို
ကြံ့ကြံ့ခံခြင်းလို့
ကျနော်မြင်တယ်။တည်ငြိမ်ခြင်းလို့ မြင်တယ်။

ကိုယ့်ဘက်ကတော့ စွမ်းနိုင်သမျှ အကောင်းဆုံးကြိုးစားတယ်။မိမိဘက်က ဘယ်လောက်ကြိုးစားကြိုးစား အစိုးမရတဲ့ အနတ္တတရားက ရှိနေပြန်တယ်။
ဒီတစ်ကြိမ်ကြိုးစားတယ်။ကျရှုံးသွားတယ်။
အဲ့ဒိအရှုံးကို တည်တည်ငြိမ်ငြိမ်လက်ခံတယ်။
စိတ်ဓာတ်ကျမသွားဘူး။သွေးပျက်မသွားဘူး။
ရှုံးနိုင်ခြေဆိုတာ ကိုယ်မလိုချင်တဲ့ အနတ္တပဲ။
လက်ခံတယ်။နောက်တစ်ကြိမ်ထပ်ကြိုးစားတယ်။ထပ်ရှုံးပြန်တယ်။သချာင်္နည်းအရတော့ ကြိုးစားမှုရာခိုင်နှုံးများရင် အောင်မြင်ဖို့ရာခိုင်နှုံးများမှာပဲ။

တချို့က ဥာဏ်ကောင်းတယ်။ဝီရိယလည်းကောင်းတယ်။ဒါပေမယ့် အနတ္တကို လက်ခံနိုင်စွမ်းမရှိရင် တစ်ကြိမ်မဟုတ် တစ်ကြိမ်ပြိုလဲမှာပဲ။သွေးပျက်သွားမှာပဲ။

လက်ခံနိုင်စွမ်းဆိုတာ စိတ်ဂုဏ်သတ္တိတစ်ခုပါ။
ကိုယ့်သားသမီးကို ဆယ်တန်းအောင်စေချင်တာ
မိဘတိုင်းရဲ့ ဆန္ဒပဲ။ဒါပေမယ့် ကျရှုံးခဲ့ရင်လည်း
လက်ခံနိုင်စွမ်းရှိရမယ်။
ပြဿနာတစ်ခုကို ဖြေရှင်းတဲ့အခါတိုင်း
လက်ခံနိုင်စွမ်းကို ပထမဆုံးလိုအပ်တယ်။

ကျနော်တို့မလွဲမသွေကြုံရမယ့် အဖြစ်ဆိုးတွေရှိတယ်။ကိုယ်အချစ်ဆုံးလူသားနှစ်ဦးဖြစ်တဲ့
မိဘနှစ်ပါးဟာ တစ်ချိန်မှာ ကိုယ့်ကိုခွဲသွားမှာ။
လက်ခံနိုင်စွမ်းရှိပါ့မလား။
အချိန်အတိုင်းတာတစ်ခုအထိ ကျနော်တို့ ပြိုလဲရဦးမှာပဲ။တစ်သက်လုံးတော့မဟုတ်ဘူး။
လက်ခံနိုင်စွမ်းရှိလာတဲ့အခါမှ ဘဝကို
အရင်လိုဖြတ်သန်းလို့ရမှာ။

မထင်မှတ်ဘဲ ကြုံရမယ့်လောကဓံဆိုးတွေလည်းရှိနိုင်တယ်။ဘယ်ရလဒ်ပဲရရ၊ဘယ်အဖြစ်နဲ့ပဲကြုံကြုံ
လက်ခံနိုင်စွမ်းရှိရင် ဘဝမှာ
ရှင်သန်ရဲတဲ့ သတ္တိရှိလာတယ်။

ကျနော်လက်မကျိုးချင်ဘူး။
ကျိုးခဲ့မယ်ဆိုရင်လည်း လက်ခံရဲတယ်။
ကျနော် ကင်ဆာမဖြစ်ချင်ဘူး။
ဖြစ်ခဲ့မယ်ဆိုရင်လည်း လက်ခံရဲဖို့ ကြိုးစားမယ်။ကျနော့် ချစ်သူကို လုံးဝသဝန်မတိုမိအောင်နေတယ်။
သူနဲ့ပြတ်ခဲ့သည်ဖြစ်စေ၊ရခဲ့သည်ဖြစ်စေ ဘယ်ရလဒ်မဆို ကျနော်လက်ခံတယ်။
ပေါင်းနိုင်ဖို့တော့ အတတ်နိုင်ဆုံးကြိုးစားတယ်။

အခုအိမ်ထောင်သည်ဘဝမှာလည်း ဇနီးအပေါ်
သဝန်မတိုချင်ပြန်ဘူး။
ကျနော်နောက်ကွယ်မှာ ဘာဖြစ်ဖြစ် ကျနော်မသိသ၍ ကိစ္စမရှိဘူး။ကျနော်သိသွားလည်း ကိစ္စမရှိဘူး။အဖြေတစ်ခုကို ထုတ်ပြောရုံပဲ။
မကွာရှင်းရဲဘဲတော့ လက်မထပ်ဘူး။
ဘဝဆုံးအထိပေါင်းဖို့တော့ ကြိုးစားမယ်။
သဝန်တိုတဲ့နည်းနဲ့တော့မဟုတ်ဘူးပေါ့။

ပြောခဲ့သလိုပဲ လက်ခံနိုင်စွမ်းဆိုတာ သီးခံနိုင်စွမ်းနဲ့မတူဘူး။ကိုယ်ဆီက ငွေလိမ်သွားရင်
 သွေးပျက်နေမှာမဟုတ်ဘူး။
ရအောင်ပြန်တောင်းမယ်။
ယုံကြည်အပ်နှံပြီးရင် အလိမ်ခံရနိုင်ခြေကို
လည်း ကြိုစဉ်းစားထားရမယ်။
ဒါဟာ သတိတရားလည်းဖြစ်တယ်။

ကျနော်အောင်မြင်ချင်တယ်။
စာတွေရေးနေတယ်။ဒါပေမယ့် မအောင်မြင်သေးဘူး။ကိစ္စမရှိဘူး။ကိုယ့်ရဲ့တိုးတက်မှုကို ရအောင် အာရုံခံမယ်။ရလဒ်ကို လက်ခံမယ်။
အောင်မြင်ဖို့ ဆက်ချီတက်မယ်။
ရလဒ်ကို လက်မခံရင် စိတ်ဓာတ်ကျသွားမှာပေါ့။
ကျနော် လျှောက်နေတဲ့လမ်းမှာ ထောင်ကျနိုင်ခြေတောင်ရှိသေးတယ်။ယုံပါ။ကျနော် ထောင်ကျရဲတယ်။
ထောင်ကျမယ်ဆိုလည်း လက်ခံတယ်။

ပန်းတိုင်မှားဝင်တဲ့ အပြေးသမားတစ်ယောက်လိုပေါ့။ကိုယ်လိုချင်တဲ့ပန်းတိုင်ကို ရောက်ဖို့
 နောက်တစ်ကြောင်း ထပ်ပြေးရမယ်။
ပိုပင်ပန်းမယ်။လက်ခံတယ်။
ပိုနောက်ကျမယ်။လက်ခံတယ်။
ပန်းတိုင်ကိုတော့ ရောက်ကိုရောက်ရမယ်။

စာတစ်ပုဒ်ရေးပြီးရင် အကောင်းဆုံး ကို
 မျှော်လင့်တာပါပဲ။လူတွေကြိုက်ဖို့၊ဖတ်ကြဖို့ပေါ့လေ။
လူတွေမကြိုက်ကြဘူး၊မဖတ်ကြဘူး ဆိုရင်လည်း
အဲ့ဒိရလဒ်ကို လက်ခံတယ်။

#Sithu(Error)
13.7.2019