အပါယ်လွတ်သော ကုသိုလ်(၇)မျိုး
၁။ သရဏဂုံကုသိုလ်။
၂။ ငါးပါးသီလကုသိုလ်။
၃။ စာရေးတံဆွမ်း။
၎။ လဆန်းပက္ခ၊ လဆုတ်ပက္ခ၌ လှူဒါန်းသောဆွမ်း။
(တစ်လကို နှစ်ပိုင်းပိုင်းလိုက်ပါ။ ရှေ့ဆယ်ငါးရက်သည်
လဆန်းပက္ခဖြစ်၍ နောက် ၁၆ ရက်မှ လကုန်ထိသည်
လဆုတ်ပက္ခဖြစ်သည်။)
၅။ ဝါဆိုသင်္ကန်း
၆။ ရေတွင်းရေကန်အလှူ။
၇။ ကျောင်းအလှူတို့ဖြစ်၏။
ထိုကုသိုလ် ၇ မျိုးထဲမှ တစ်မျိုးမျိုးကိုဖြစ်စေ၊
နှစ်မျိုးဖြစ်စေ၊
ခုနစ်မျိုးလုံးဖြစ်စေ အမြဲ(ဝတ်) ထားပြီးလှူဒါန်းမယ်ဆိုရင်
ဂတိမြဲတဲ့ကုသိုလ်ဖြစ်ပါတယ်။
(သောတာပန္န သဒိသာယေဝ) ဆိုတဲ့ ပုဒ်ကိုထောက်ဆပြီး
သောတာပန်များ လားရာဂတိမြဲသလို၊ ထိုကုသိုလ်များကို အမြဲတမ်း
ဝတ်ထားပြီး ပြုလုပ်အားထုတ်မည်ဆိုပါလျှင် သောတာပန်များ လားရာဂတိမြဲသကဲ့သို့ ထိုကုသိုလ်ကို အားထုတ်သူများလည်း
လားရာဂတိမြဲပါတယ်။
သောတာပန်များ မကောင်းတဲ့အပါယ်လေးပါး ဂတိကို မရောက်စေနိုင်ဘဲ ကောင်းရာ လူ့ဘုံ နတ်ဘုံ သုဂတိဘုံမြဲသကဲ့သို့
ထိုကုသိုလ်ရှင်များလည်း ကောင်းရာ လူ့ဘုံ နတ်ဘုံ သုဂတိဘုံမြဲပါတယ်။
ဝါဆိုသင်္ကန်းကို အမြဲတမ်း (ဝတ်)နှစ်စဉ်နှစ်တိုင်း
လှူဒါန်းမည်ဆိုပါက သောတာပန်ပုဂ္ဂိုလ်များ ကောင်းရာ သုဂတိမြဲသလို ဝါဆိုသင်္ကန်းလှူဒါန်းသူများလည်း ကောင်းရာသုဂတိမြဲတဲ့အကျိုးကိုရရှိစေပါတယ်။
အပါယ်ဘုံသို့မကျရောက်ဘဲ ကောင်းရာသုဂတိဘုံကို ရောက်စေခြင်းဆိုတဲ့
အကျိုးတရားပင်ဖြစ်ပါတယ်။ နောက်ထပ်အကျိုးများစွာကို အောက်တွင်လေ့လာပါ။
“အရဟတ္တဓဇ” ခေါ် ရဟန္တာတို့၏ အလံတံခွန်သဖွယ်ဖြစ်သော
ဤဝါဆိုသင်္ကန်းကို လှူဒါန်းရသဖြင့် . . .
“ဝတ္ထဒေါ ဟောတိ ဝဏ္ဏဒေါ”
“ဝတ္ထဒါနေန ဝဏ္ဏသမ္ပတ္တိ ပဋိလာဘော” ဟူသော
ဒေသနာတော်များအရ သင်္ကန်း၏ အဓိကအကျိုးဖြစ်သော
“အဆင်းလှခြင်း”ဟူသော အကျိုးကို ဧကန်ရမည်ဖြစ်ပေသည်။
ထို့ပြင် ဘဝသံသရာ ကျင်လည်ရစဉ်ဝယ် -
“ရွှေသို့အဆင်း၊
မြူကြေးကင်း၍
ရောင်ဝင်းထိန်ပ၊
နူးညံ့ရ၏၊
မကသိန်းဖိုး၊
ပုဆိုးရလေ၊
ညိုရွှေဖြူနီ၊
ဤရှစ်လီသည်၊
ကျမ်းညီသင်္ကန်း
လှူကျိုးတည်း။”...ဟူသော
အပဒါန်လာ သင်္ကန်းအကျိုး (၈)မျိုးကိုလည်း ရဦးမည်ဖြစ်၏။
ထိုမှတပါး
“ဣဒံ မေ ပုညံ အာသဝက္ခယံ ဝဟံ ဟောတု”
-တပည့်တော်၏ ဤဝါဆိုသင်္ကန်းအလှူသည် အာသဝေါတရားလေးပါး ကုန်ရာကုန်ကြောင်းဖြစ်သော မဂ်ဥာဏ် ဖိုလ်ဥာဏ်မြတ်နိဗ္ဗာန်ကို ဧကန်ရောက်အောင် ရွတ်ဆောင်နိုင်ပါစေ” ..ဟု
ဆုတောင်းလှူဒါန်းခဲ့သော် ဒုက္ခခပ်သိမ်း ငြိမ်းရာဖြစ်သော နိဗ္ဗာန်ချမ်းသာဟူသော အကျိုးအမြတ်ကို မလွဲမသေရပေမည်။
ဆရာတော်အရှင်ဇနကာဘိဝံသ မိန့်ဆိုချက်။ ။
••••••••••••••••••••••••••••••••••••••••••••••••••••
ဝဿာဝါသိကံ။ ။
ဝဿံ-ဝါလပတ်လုံး+အာဝါသော ယဿာတိ ဝဿာဝါသော-
ဝါလပတ်လုံး နေခြင်းရှိသော ရဟန်း၊
ဝဿာဝါသဿ+ဒိန္နံ ဝဿာဝါသိကံ-
ဝါလပတ်လုံး နေခြင်းရှိသော ရဟန်းအား လှူအပ်သော သင်္ကန်း၊
(ယခုကာလ၌ ဝါဆိုခါနီး လှူလေ့ရှိကြ၏။
ထိုသင်္ကန်းကို
“ဝိဿဝါသိက” ဟုလည်း အချို့က ခေါ်ကြ၏၊
အမှန်ကား
“ဝါတွင်း၌ နေသော ရဟန်းအား ဝါကျွတ်မှ ဖြစ်စေ၊
ဝါကျွတ်သောအခါ သုံးစွဲရန် ဝါတွင်း၌ ဖြစ်စေ
လှူအပ်သော သင်္ကန်းကိုသာ ဝဿာဝါသိကသင်္ကန်း”ဟုခေါ်သည်။
ယဿ ဘိက္ခဝေ စီဝရံ၊ ပရိဘုဉ္ဇမာနော
ဘိက္ခု မေတ္တံ ကရုဏံ ဘာဝေတိ မုဒိတံ ဘာဝေတိ ဥပေက္ခံ ဘာဝေတိ၊
အပ္ပမာဏော တဿ ပုညာဘိသန္တော။
(စတုက္ကနိပါတ် အင်္ဂုတ္တိုပါဠိတော်)
●ဘိက္ခဝေ - ရဟန်းတော်များ အိုချစ်သားတို့။
●ယဿ - အကြင်သင်္ကန်းလှူသော ဒါယကာ၏။
●စီဝရံ - သင်္ကန်းကို။
●ပရိဘုဉ္ဇမာနော - သုံးဆောင်သော။
●ဘိက္ခု - ရဟန်းသည်။
●မေတ္တံ - မေတ္တာကို။
●ဘာဝေတိ - ပွားစေ၏။
●ကရုဏံ - ကရုဏာကို
●ဘာဝေတိ - ပွားစေ၏။
●မုဒိတံ - မုဒိတာကို။
●ဘာဝေတိ - ပွားစေ၏။
●ဥပေက္ခံ - ဥပေက္ခာကို။
●ဘာဝေတိ - ပွားစေ၏။
●တဿ - ထိုသင်္ကန်းလှူသောသူအား။
●ပုညာဘိသန္တော - ကုသိုလ်အယာဉ်သည်။
●အပ္ပမာဏော - အတိုင်းမသိသည်။
●ဟောတိ - ဖြစ်၏။
ဣတ္ထီနံ စီဝရဒါနံ မဟလ္လတာပသာဒေန မတ္တကံ ပပ္ပေါတိ။
ပုရိသာနံ ဣဒ္ဓိမယပတ္တစီဝရေန။ (ဓမ္မပဒအဋ္ဌကထာပါဠိ)
ဟိသစ္စံ - မှန်၏။
ဣတ္ထီနံ - မိန်းမတို့၏။
စီဝရဒါနံ - သင်္ကန်းအလှူသည်။
မဟလ္လတာပသာဒေန - မဟလ္လတာတန်ဆာကို ဆင်မြန်းရသဖြင့်။
မတ္တကံ - အပြီးသို့။
ပပ္ပေါတိ - ရောက်၏။
ပုရိသာနံ - ယောက်ျားတို့၏။
စီဝရဒါနံ - သင်္ကန်းအလှူသည်။
ဣဒ္ဓိမယပတ္တစီဝရေန - တန်ခိုးဖြင့်ပြီးသော
သပိတ် သင်္ကန်းကို ဆောင်ရသဖြင့်။
မတ္တကံ - အပြီးသို့။
ပပ္ပေါတိ - ရောက်၏။
“အဝတ်သင်္ကန်းလှူရသောအကျိုးပြ တေးထပ်”
••••••••••••••••••••••••••••••••••••••••••••••••••••••
ဖြစ်လေရာ ဘုံဘဝ၊ ကြုံရတဲ့ခန္ဓာ။
သိင်္ဂီနက်ဆင်းရွှေဝါ ဝင်းပေလာ အသွေး။
မြူမငြိ ဖြူအိလွင်တယ် ။
လှူသည့်ရှင် ကောင်းမှုအရေး။ ။
စီဝရမြတ်ဒါနာ မှတ်ကြပါလေသေး၊
ရွှေတောင်မှာ နေရောင်ပေးသလို၊ ပြောင်အသွေး ကိုယ်ရေ၊
ဖဲကတ္တီနု အပါးသို့ သူ့အသား နူးညံ့ခဲ့ပေ ။ ။
အထည်ပေါင်း သိန်းကုဋေ ကိန်းအခြေ မရေတွက်နိုင်ဘု၊
ချွေ့လျက် မိုးပြန့်ခေါင်မှာ ဖြိုးလျှံ့ရောင်ဝါ ပိုးဖဲနှင့်ကတ္တီပါ
လိုရာရာ ရကြောင်းပလေး။ ။
ဒသိမေ ဘိက္ခဝေ စီဝရဒါနေန အာနိသံသာ၊ ကတာမာနိ ဒသ၊
သုဝဏ္ဏဝဏ္ဏော .ဝိရဇော. သဗ္ဗပဘာဝေါ. ဝိတပဝါသိနိဒ္ဓဂတ္တော၊
ဒုဿဟဿ ပဋိလာဘော၊ သေတပိတလောဟိတ
ဝတ္ထဒါယကော၊ ခေါမ ကောသေယျ ကပ္ပါသိက ပဋိလာဘော၊
ကပ္ပရုက္ခ ပဋိလာဘော၊
ပစ္ဆိမဘဝေ ဧဟိဘိက္ခု သပသမ္ပဒ ပဋိလာဘော။
(ဓမ္မပဒ အဋ္ဌကထာ)
ဒီစာပိုဒ်လေး ဝါဆိုသင်္ကန်း လှူရကျိုး ဆယ်မျိုးကို ပြဆိုပါတယ်။
••••••••••••••••••••••••••••••••••••••••••••••••••••••••
၁။ရွှေအဆင်းနှင့်တူသော အဆင်းကိုရရှိခြင်း။
၂။ မြူကြေးမတင် စင်ကြယ်သောကိုယ်ရှိခြင်း။
၃။ ခပ်သိမ်းသော အရပ်တို့ကို ထွန်းလင်းတောက်ပသော ကိုယ်ရှိခြင်း။
၎။ ပူပန်ခြင်းကင်းသော ကိုယ်ရှိခြင်း။
၅။ နူးညံ့သိမ်မွေ့သော ကိုယ်ရှိခြင်း။
၆။ အလိုရှိသောအခါ တစ်ထောင်သော အဝတ်ပုဆိုးတို့ကို ရရှိခြင်း။
၇။ အဖြူ၊ အရွှေ၊ အနီစသော အဆင်းရှိသော ပုဆိုးတို့ကို ရရှိခြင်း။
၈။ခေါမတိုင်း ကောတုံပရာဇ်တိုင်းတို့တွင် ဖြစ်သော ပုဆိုးတို့ကို ရရှိခြင်း။
၉။ ပဒေသာပင်တွင်ဖြစ်သော ပုဆိုးတို့ကို ရရှိခြင်း။
၁၀။အဆုံးဘဝတွင် ဧဟိ ဘိက္ခူ ရဟန္တာအဖြစ်ကို ရရှိခြင်းစတဲ့ ဆယ်ပါးသော အကျိုးထူးတရားများကို သင်္ကန်းလှူသော အလှူရှင်တို့မှာ ရရှိခံစားရမှာဖြစ်ပါတယ်ဆိုတဲ့အကြောင်း ထပ်ဆင့်မျှဝေအသိပေးလိုက်ရပါသည်။
credit:: original uploader
No comments:
Post a Comment